Гарадскія ўлады паведамілі, што гандлёвы цэнтр Avia Mall адкрыецца ў жыллёвым комплекце «Мінск-Свет» у маі 2025 года. Інфармацыя апублікаваная ў афіцыйным тэлеграм-канале Кастрычніцкага раёна Мінска.
Паводле слоў намесніка кіраўніка адміністрацыі Кастрычніцкага раёна Дзяніса Віхрэнкі, адкрыццё падобнага буйнога ГЦ патрабуе ад забудоўшчыка дбайнай прапрацоўкі ўсіх аспектаў, у тым ліку юрыдычных, якія тычацца арэндных адносін, а таксама захавання нормаў і стандартаў бяспекі, выканання патрабаванняў заканадаўства. Чыноўнік адзначыў, што гэты працэс няхуткі і працаёмкі.
Намеснік кіраўніка адміністрацыі ўдакладніў, што забудоўшчыкам вядзецца праца па каардынацыі дзейнасці арандатараў, якія праводзяць пераасталяванне і перапланіроўку арэндных плошчаў ўнутры гандлёвага цэнтра Avia Mall.
Галоўным арандатарам у новапабудаваным ГЦ выступіць ТАА «Грынрозніца», удакладніў Дзяніс Віхрэнка.
Раней паведамлялася, што гіпермаркет Green пачне працаваць у гэтым гандлёвым цэнтры з 30 красавіка.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары