ГУБАЗіК паказаў фота за кратамі Мацвея Бяляя, раней асуджанага ў Літве за напад на беларускае пасольства
У адным з тэлеграм-каналаў, звязаных з ГУБАЗіКам, з'явілася фота Мацвея Бяляя. Сілавікі сцвярджаюць, што ў Беларусі яму пагражае да 10 гадоў зняволення за «экстрэмізм». Аднак мінулая яго крымінальная справа ў Беларусі скончылася вызваленнем ад адказнасці і прымусовым псіхіятрычным лячэннем.
У студзені 2024 года Віленскі гарадскі акруговы суд прызнаў грамадзяніна Беларусі Мацвея Бяляя вінаватым у нападзе на пасольства Беларусі ў красавіка 2023 года. Яму прызначылі абмежаванне свабоды на 11 месяцаў, аднак паколькі ён ужо адбыў прысуджаны тэрмін, то яго вызвалілі.
Што было з Бяляем пасля таго і як ён апынуўся ўрэшце ў Беларусі, невядома. Сілавікі імкнуцца давесці, што яго нібыта прымусова дэпартавалі літоўскія ўлады, але ніякіх пацвярджэнняў гэтаму няма.
Няма таксама пацвярджэння таму, што гэтае фота свежае, бо ў Бяляя ў Беларусі было шмат судзімасцяў. Таму і ягонае фота за кратамі магло застацца з тых часоў.
Мацвей Бяляй раней расказваў, што ў 2021 годзе яго затрымалі за тое, што ён разбіў шкло малатком у Доме ўраду. Праз некалькі месяцаў яго судзілі па артыкуле «хуліганства» — але замест тэрміну прызначылі псіхіятрычнае лячэнне. Бяляй уцёк — спачатку ў Маскву, там атрымаў гуманітарную візу ў Польшчу. Урэшце апынуўся ў Літве.
Цяпер чытаюць
Крутога айцішніка, які вярнуўся з Польшчы, кінулі за краты за фінансаванне «экстрэмізму»1
Каментары
А те, кто имеет по два паспорта под прикрытием, кто рисует оскорбительные надписи, работая на режим, их литовская полиция даже искать не ищет. Зная, что беларусу угрожают репрессии, литовцы все рано выдали его в руки кгб. Похоже, что кгб Рб и кгб Летувы хорошо наладили взаимодействие.