HUBAZiK pakazaŭ fota za kratami Maćvieja Bialaja, raniej asudžanaha ŭ Litvie za napad na biełaruskaje pasolstva
U adnym z telehram-kanałaŭ, źviazanych z HUBAZiKam, źjaviłasia fota Maćvieja Bialaja. Siłaviki śćviardžajuć, što ŭ Biełarusi jamu pahražaje da 10 hadoŭ źniavoleńnia za «ekstremizm». Adnak minułaja jaho kryminalnaja sprava ŭ Biełarusi skončyłasia vyzvaleńniem ad adkaznaści i prymusovym psichijatryčnym lačeńniem.
U studzieni 2024 hoda Vilenski haradski akruhovy sud pryznaŭ hramadzianina Biełarusi Maćvieja Bialaja vinavatym u napadzie na pasolstva Biełarusi ŭ krasavika 2023 hoda. Jamu pryznačyli abmiežavańnie svabody na 11 miesiacaŭ, adnak pakolki jon užo adbyŭ prysudžany termin, to jaho vyzvalili.
Što było ź Bialajem paśla taho i jak jon apynuŭsia ŭrešcie ŭ Biełarusi, nieviadoma. Siłaviki imknucca davieści, što jaho nibyta prymusova departavali litoŭskija ŭłady, ale nijakich paćviardžeńniaŭ hetamu niama.
Niama taksama paćviardžeńnia tamu, što hetaje fota śviežaje, bo ŭ Bialaja ŭ Biełarusi było šmat sudzimaściaŭ. Tamu i jahonaje fota za kratami mahło zastacca z tych časoŭ.
Maćviej Bialaj raniej raskazvaŭ, što ŭ 2021 hodzie jaho zatrymali za toje, što jon raźbiŭ škło małatkom u Domie ŭradu. Praź niekalki miesiacaŭ jaho sudzili pa artykule «chulihanstva» — ale zamiest terminu pryznačyli psichijatryčnaje lačeńnie. Bialaj uciok — spačatku ŭ Maskvu, tam atrymaŭ humanitarnuju vizu ŭ Polšču. Urešcie apynuŭsia ŭ Litvie.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary
A tie, kto imiejet po dva pasporta pod prikrytijem, kto risujet oskorbitielnyje nadpisi, rabotaja na riežim, ich litovskaja policija dažie iskať nie iŝiet. Znaja, čto biełarusu uhrožajut rieprieśsii, litovcy vsie rano vydali jeho v ruki khb. Pochožie, čto khb Rb i khb Letuvy chorošo naładili vzaimodiejstvije.