Прарасійская актывістка Мірсалімава абурылася, што сілавікі дапыталі яе дачку
«Чакалі каля вагона».
Прарасійская актывістка Эльвіра Мірсалімава расказала, што яе старэйшую 18-гадовую дачку дапытала міліцыя.
«Яе толькі што (д)апыталі проста ў цягніку, дачакаўшыся каля вагона. Дзіця напалохана, вядома, але такая наша рэальнасць…» — напісала Мірсалімава ў сваім тэлеграм-канале.
Дапытвалі наконт сястры Мірсалімавай Крысціны, якая не падтрымлівае ўладу і з'ехала за мяжу.
«Не ведаю, чаму яны чакаюць менавіта ад'езду. У мінулы раз дачцэ назвоньвалі таксама па дарозе на вакзал. Якім бокам цётка — сваяцтва, напэўна», — разважае яна.
«Папярэдні раз, калі ёй тэлефанавалі, яна была яшчэ непаўналетняй, і за яе трубку брала я», — згадвае Мірсалімава.
Гэты выпадак прывёў яе да несуцяшальных высноў:
«Тое, што ўсе грамадзянскія актывісты і іх сем'і жывуць у напружанні — гэта дакладна».
У сакавіку 2024 года Эльвіру Мірсалімаву судзілі па двух артыкулах: прапаганда нацысцкай сімволікі (частка 1 артыкула 19.10 КаАП) і парушэнне парадку арганізацыі масавых мерапрыемстваў (частка 1 артыкула 24.23 КаАП). Па першым артыкуле Мірсалімава правяла два дні ў ізалятары. Актывістка рэпоснула публікацыю Z-блогера Уладлена Татарскага. Шляхам частковага складання прысудаў суд аштрафаваў актывістку на 2600 рублёў.
Цяпер чытаюць
Учора Мінск зноў затапіла. Чаму сталіца не гатовая да дажджоў?4
Каментары