«Пажарная каманда», «Біяробат», ланцужкі: якія арэлі з’явяцца ў мінскіх парках
Некалькі пачнуць працу з адкрыццём сезону.
«Пажарная каманда», «Біяробат», «Ланцужок свабоднага падзення», новая «Ладдзя» замест той, што ўжо адпрацавала свой тэрмін. Якія арэлі з’явяцца ў парках сталіцы, Мінск-Навінамраспавёў намеснік генеральнага дырэктара — галоўны інжынер «Мінскзелянбуду» Руслан Касевіч.
Усяго сёлета запланавана ўстанавіць восем новых мадэляў.
Некалькі пачнуць працу з адкрыццём сезону атракцыёнаў. У Цэнтральным дзіцячым парку імя Максіма Горкага гэта «Вальс» і «Драконы».
У парку імя Чалюскінцаў — «Лебедзі» і «Мікс», вядомы наведвальнікам як лятаючая лаўка, але ён пачне працаваць не раней за трэці квартал 2025 года.
— У парку імя М. Горкага таксама з’явіцца «Пажарная каманда», — распавёў Р. Касевіч. — У цэнтры кампазіцыі будзе знаходзіцца імітацыя будынка, які гарыць, вакол якога курсіруе цягнік ратавальнікаў.
Атракцыён прадугледжвае наяўнасць брандспойтаў, з якіх маленькія госці будуць «тушыць» ачаг узгарання. Разлічаная карусель на дзетак ад 6 гадоў, тыя, хто малодшы, будуць дапускацца толькі ў суправаджэнні дарослых. Размясціць плануем непадалёк ад галоўнай сцэны, цяпер ідзе падрыхтоўка пляцоўкі з пліткі.
Яшчэ два навічкі для аматараў «паказытаць нервы» могуць стаць у строй да канца года.
Гаворка пра ланцужкі свабоднага палёту: падыманне даволі плыўнае, але на вышыню звыш 20 м — і там ужо «кружэнне» вакол асноўнай восі. Іншы «таварыш» больш характэрны: «Біяробат» падымае кабінкі / сядзенні на вышыню прыкладна 6 м і круціць значна мацней, у тым ліку вакол сваёй восі. Нагадвае «Каліпса», але значна экстрэмальней.
Нагадаем, паркі імя Чалюскінцаў, Уга Чавеса і 900-годдзя Мінска прымуць гасцей 27 красавіка пры ўмове спрыяльнага надвор’я. У дождж каруселі запускаць забаронена. Парк імя М. Горкага плануе адкрыць сезон у першыя дні мая, па завяршэнні рэканструкцыі. Прыемная навіна: кіламетровых чэргаў не будзе.
Ва ўсіх васьмі касах парка можна будзе набыць квіткі на любы атракцыён.
— Цэны квіткоў у гэтым сезоне засталіся на ўзроўні мінулага года і складаюць у сярэднім 2,5 рубля, — удакладніў Р. Касевіч.
За апошнія два гады для сталічных паркаў набылі 16 новых атракцыёнаў, паведаміў генеральны дырэктар УП «Мінскзелянбуд» Аляксандр Ермоловіч. Усяго іх у парках імя М. Горкага, Чалюскінцаў, Уга Чавеса і 900-годдзя Мінска размешчана 58.
-
Калоны ў гонар Канстытуцыі 3 мая на Беларусі — міф, спароджаны адной кнігай
-
Кіраўніца «Вольнага хору» Галіна Казіміроўская сутыкнулася з цяжкай хваробай. За суткі ёй амаль сабралі вялікую суму, не хапае зусім крыху
-
Пракуратура палохае, што за навучанне і працу ў ЕГУ можа пагражаць да шасці гадоў зняволення
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»57
Каментары
- знаешь что, - говорит, - после горных лыж ему уже никакие аттракционы будут не страшны.
я, как дура, типа не поверила... свозила... малой и правда сказал - а что за фигня?
аттракционы будут неинтересны. - так он сказал
эта цитата точна