Пракуратура палохае, што за навучанне і працу ў ЕГУ можа пагражаць да шасці гадоў зняволення
У сярэдзіне красавіка беларускія ўлады прызналі Еўрапейскі гуманітарны ўніверсітэт, што ад 2004 года дзейнічае ў Вільні, экстрэмісцкай арганізацыяй. Начальнік аддзела пракуратуры Віцебскай вобласці Дзмітрый Кудраўцаў расказаў «Віцьбічам», якія наступствы могуць пагражаць студэнтам і выкладчыкам.
«З гэтага моманту любыя фінансавыя аперацыі на адрас універсітэта, уключаючы аплату навучання або дабрачынныя ўнёскі, кваліфікуюцца як фінансаванне экстрэмісцкай дзейнасці паводле артыкула 361‑2 Крымінальнага кодэкса Рэспублікі Беларусь, які прадугледжвае пакаранне да пяці гадоў пазбаўлення волі. Аналагічна працоўныя адносіны, выкладанне або працяг навучання ў ЕГУ трактуецца як удзел у экстрэмісцкім фарміраванні паводле артыкула 361‑1 Крымінальнага кодэкса, што цягне крымінальную адказнасць на тэрмін да шасці гадоў пазбаўлення волі», — адзначыў Дзмітрый Кудраўцаў.
Таксама ў пракуратуры кажуць, што выкарыстанне сімволікі, распаўсюджванне матэрыялаў або нават наяўнасць падпіскі на інтэрнэт-рэсурсы ўніверсітэта таксама з’яўляюцца падставамі для прыцягнення да адказнасці.
Рэктар ЕГУ пра экстрэмісцкі статус універсітэта: «Самы складаны этап з 2004 года»
Парадокс, але прызнанне ЕГУ экстрэмісцкім развяжа яму рукі
«Універсітэт працягвае сваю дзейнасць». ЕГУ пракаментаваў абвяшчэнне сябе ўладамі Беларусі «экстрэмісцкай арганізацыяй»
ЕГУ прызналі экстрэмісцкай арганізацыяй
ЕГУ запрашае на адукацыйную праграму «Еўрапейская спадчына і крэатыўны турызм»
Каментары
Цікава ці чулі лукашысты пра крызіс звязаны з недахопам працаўнікоў, малай нараджальнасцю і адыходам бумераў на пенсію(альбо на той свет)?
Можа, калі трошкі падумаць, трэба не пераследаваць моладзь, а пачаць ствараць спрыяльныя варункі, каб моладзь не ўцякала за мяжу? Можа трэба забяспечыць бяспеку, верхавенства права і справядлівасць? Можа трэба закрыць рыі Азаронкам, разагнаць губазік і іншыя ЛГБТ канторы які штурхаюць Беларусь да вялікага крызісу?
І так, можна сказаць што усіх заменім мігрантамі - але крызіс нараджальнасці паўсюль. Праз 10 гадоў мігрантаў не будзе - бо не будзе каму міграваць. І болей, таленавітыя і багатыя ў Беларусь не паедуць ;)
Таму можа трэба ўжо зараз пачаць нешта рабіць?
Але чаго гэта я, прасцей нешта там ляпаць у дзяржаўных СМІ, выйсці ў 45 гадоў на пенсію і паехаць працаваць дальнабоем :)