Інстаграм разблакаваў папулярнае медыя пра Варшаву, якое стварылі беларусы
На момант блакіроўкі на рускамоўную інстаграм-старонку The Warsaw было падпісана 139 тысяч чалавек. Прычына блакіроўкі была ў скаргах на пост аб расійскай прапагандзе.
«Наш асноўны профіль The Warsaw разблакаваны! Дзякуй усім за падтрымку», — напісалі аўтары.
Прычынай для блакіроўкі акаўнта платформа пазначыла скаргі на публікацыю медыя аб расійскай прапагандзе ў Польшчы. У ёй згадваліся акаўнты, якія спрабуюць стварыць пазітыўны вобраз Расіі для палякаў.
Спачатку інстаграм выдаліў пост за «распальванне варожасці», але ў адміністратараў атрымалася яго аднавіць. Пасля на публікацыю паўторна паскардзіліся і сацсетка выдаліла яго ў другі раз.
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары