Свет22

Хакеры атакавалі інфармацыйную сістэму МУС Літвы, у якой захоўваліся звесткі пра іншаземцаў

Увечары 24 верасня міністр унутраных спраў Літвы Марцінас Кацялінас атрымаў інфармацыю пра кібератаку на інфармацыйную сістэму, якую адмініструе Дэпартамент інфарматыкі і сувязі пры Міністэрстве ўнутраных спраў, паведамляе прэс-служба МУС.

Фота: vrm.lrv.lt

Паводле наяўнай інфармацыі, незаконны доступ быў атрыманы да EPEKIS — інфармацыйнай сістэмы, звязанай з наданнем дзяржаўных паслуг грамадзянам Літвы і іншаземцам, у тым ліку з пытаннямі выдачы дакументаў і кансультавання.

Аднак гэтая сістэма з 2018 года актыўна не выкарыстоўваецца і цяпер выконвае функцыі архіва. У ёй захоўваюцца архіўныя звесткі пра іншаземцаў, якія звярталіся па пытаннях атрымання грамадзянства Літвы. Большую частку даных складаюць імёны і прозвішчы замежных грамадзян без іх асабістых кодаў.

Паводле Дэпартамента інфарматыкі і сувязі, незаконны доступ да сістэмы быў аператыўна спынены. На гэты момант вядома, што зламыснікі здолелі пранікнуць у сістэму і стварыць наборы даных. Пры гэтым факту спампоўвання інфармацыі з сістэмы пакуль не выяўлена.

Міністр унутраных спраў Літвы Марцінас Кацялінас заявіў, што інцыдэнт яшчэ раз паказаў неабходнасць пастаянна ўзмацняць абарону дзяржаўных інфармацыйных сістэм. Пасля размовы з адказнымі службамі ён даручыў ацаніць бяспеку ўсіх інфармацыйных сістэм і баз даных, якія знаходзяцца ў падпарадкаванні МУС.

Па словах міністра, пасля папярэдняга інцыдэнту ў Цэнтры рэестраў у сістэмах МУС ужо ўкаранілі двухфактарную аўтэнтыфікацыю, а таксама ўзмацнілі тэхнічны кантроль за перадачай даных і іншыя механізмы маніторынгу. Менавіта гэтыя меры, як сцвярджаецца, дазволілі своечасова заўважыць узлом і спыніць далейшыя шкоднасныя дзеянні.

Кацялінас таксама не выключыў, што падчас атакі магла выкарыстоўвацца платформа са штучным інтэлектам. Паводле яго слоў, магчымасці кібератак вельмі хутка развіваюцца, таму дзяржава павінна адначасова ўзмацняць і ўласныя сродкі абароны.

Каментары2

  • Ай-вой
    26.09.2026
    А куды ж падзеўся наш партнэр Кандратовіч, з якім дамаўляліся па ўсіх пытаннях па-беларуску і рабілі прыгожыя фоткі? Каму ж мы будзем тэлефанаваць са знакамітай тэлефоннай кніжкі Прэзідэнткі Ціханоўскай, калі пераможам?
  • Ха ха ха
    26.09.2026
    Кондратовича убрали. Звонить придётся колоколами.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»45

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць