На старонцы «Лідскага піва» ў Threads з'явілася паведамленне, што традыцыйны штогадовы фестываль Lidbeer сёлета не адбудзецца.
«З сумам і шкадаваннем паведамляем, што фестываль LIDBEER сёлета не адбудзецца. Мы шчыра спадзяемся на сустрэчу ў будучыні і будзем радыя бачыць вас на іншых фестывальных пляцоўках і летніх актыўнасцях з «Лідскім», — напісалі арганізатары фестываля.
Пра прычыну адмены канкрэтна пры гэтым нічога сказана не было, арганізатары адзначылі толькі, што
«як прынята гаварыць у такіх выпадках, фестываль не адбудзецца па прычынах, якія ад нас не залежаць».
Гэта не першы такі выпадак. Раней з'явіліся паведамленні пра адмену сёлета фестываляў WOSTRAU у Нясвіжы і «Сонцастаянне» ў Пружанах. Там адмену арганізатары тлумачылі тым, што пасля набыцця моцы пастановай Савета Міністраў № 454 ад 22 жніўня 2025 года яны не змогуць правесці фестываль на звыклым узроўні.
Гэта пастанова ўводзіць абавязковы дзяржаўны рэестр арганізатараў культурна-відовішчных мерапрыемстваў, у якім павінны быць зарэгістраваныя юрыдычныя асобы, што праводзяць падобныя падзеі з беларускімі або замежнымі выканаўцамі.
Без уключэння ў гэты рэестр арганізацыя мерапрыемстваў з удзелам замежных артыстаў стала незаконнай. Арганізатары падкрэсліваюць, што ў новых умовах яны не могуць самастойна такіх артыстаў прывозіць, таму правядзенне фестывалю на высокім узроўні стала немагчымым.
Можна меркаваць, што ў Лідзе прычына адмены папулярнага фестывалю таксама можа быць звязаная менавіта з гэтым.
З-за дзяржаўных абмежаванняў у Беларусі адмянілі ўжо другі штогадовы фестываль
Масленіца замест Казіміра. Як дэградавалі Казюкі ў Гродне, ад якіх засталася толькі назва
Беларусы размятаюць квіткі на канцэрты зумера Вані Дзмітрыенкі з Краснаярска не толькі ў Мінску, але ў рэгіёнах
Гэтым летам на стадыёне «Дынама» зноў пройдзе вялікі openair
Бізнэсмен Зайцаў больш не хоча асацыявацца з фестывалем «Сонцастаянне»
Каментары