Бабарыка расказаў, як Васкрасенскі прапаноўваў заплаціць яму 10 мільёнаў — і выйсці на свабоду
У новым выпуску ТОКу былы банкір і прэтэндэнт на пасаду прэзідэнта Віктар Бабарыка расказаў пра сустрэчы ў зняволенні з Юрыем Васкрасенскім і Раманам Пратасевічам.
На пытанне, ці сапраўды падчас зняволення яму прапаноўвалі пакаяцца, прызнаць перамогу Лукашэнкі і выехаць за мяжу, Віктар Бабарыка адказаў:
«Са мной на гэтую тэму нейкія дзіўныя размовы вялі ўсяго толькі два чалавекі. Гэта незабыўны Васкрасенскі і яшчэ менш забыўны Пратасевіч».
Сустрэча з першым адбылася, па ўспамінах Бабарыкі, у 2021 годзе.
«З нейкім вельмі дзіўным пасылам ні пра што ён прыйшоў. Кажа: можа, хто-небудзь заплаціць за вас мільёнаў дзесяць — і вас выпусцяць».
Я моцна здзівіўся і кажу: «А чаму дзесяць? І хто гэта павінен заплаціць?»
Як адзначае былы банкір, прапанова выглядала для яго даволі незразумелай.
Што тычыцца сустрэчы з Раманам Пратасевічам, то, як расказвае палітык, той
«спачатку прыйшоў і безнадзейна сказаў: «Ну, я, канечне, павінен сказаць, што, можа быць, ёсць акно магчымасцяў. Але я моцна не веру ў неабходнасць гэтага».
Бабарыка згадвае, што на гэта ён кіўнуў, заўважыўшы: «Напэўна, вы маеце рацыю».
«Вось, уласна, дзве такія дзіўныя размовы. Адна ў 2021-м, другая ў 2024 годзе адбыліся. Першая аказалася без наступстваў, другая — з пазітыўнымі і з негатыўнымі наступствамі», — падсумоўвае ён.
Васкрасенскі пакаяўся, што быў у камандзе Бабарыкі: Я быў адурманены, як і ўвесь беларускі народ
Бабарыка выбачыўся за свае словы пра Краўцова і сказаў, што яго маглі няправільна зразумець
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
Бабарыка: Калі б мы перамаглі — вайны ва Украіне не было б
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага14
Каментары