Мінулай ноччу ў выніку расійскага ўдару па Харкаве пацярпелі як мінімум чатыры чалавекі, паведаміў мэр горада Ігар Церахаў.
Паводле яго слоў, налёт беспілотнікаў працягваўся дзве гадзіны.
Былі зафіксаваныя 20 выбухаў і ўзгаранняў. Асабліва моцны пажар узнік на адным з галоўных рынкаў Харкава. Акрамя таго, пашкоджаныя прыватныя дамы і гандлёвы цэнтр.
У Шаўчэнкаўскім раёне гарэў дах і пакой прыватнага жылога дома на плошчы 400 м².
У Кіеўскім — крамы на тэрыторыі рынку на плошчы 500 м².
Пашкоджана каля 90 і поўнасцю згарэла 20 гандлёвых аб’ектаў. Па іншым адрасе загарэлася будыніна рэстарана на плошчы 700 м².
У Халаднагорскім раёне пашкоджаны фасад шматкватэрнага дома. Гарэлі кіёск, будынак і тры аўтамабілі — агульная плошча пажару склала 120 м². У Індустрыяльным раёне гарэў аўтамабіль на плошчы 20 м².
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары
Ноль и ноль, соответственно. А теперь можно про убитых такими "высокоточными" ударами детей?