Дэпутаты нямецкага Бундэстага падчас другога за дзень галасавання ўсё ж такі падтрымалі кандыдатуру лідара блока ХДС/ХСС Фрыдрыха Мерца на пасаду федэральнага канцлера Германіі.
Падчас першага галасавання, якое прайшло раніцай 6 траўня, Мерц нечакана не змог набраць неабходнай колькасці галасоў, што здарылася ўпершыню ў гісторыі пасляваеннай Германіі.
Тады за яго прагаласавалі толькі 310 дэпутатаў пры неабходных 316 галасах. Другая спроба была больш паспяховай — за Мерца выказаліся 325 дэпутатаў.
Спачатку выданні Frankfurter Allgemeine і Bild паведамлялі, што ў аўторак паўторнага галасавання не плануецца, аднак затым удалося дамовіцца аб правядзенні новага галасавання ў той жа дзень.
Для правядзення паўторнага галасавання ХДС / ХСС і іх партнёр па кааліцыі, Сацыял-дэмакратычная партыя Германіі (СДПГ), заручыліся падтрымкай яшчэ дзвюх партый — зялёных і левых.
Фрыдрых Мерц — паслядоўны прыхільнік падтрымкі Украіны ў яе вайне з Расіяй. За час вайны ён некалькі разоў ездзіў у Кіеў для сустрэчы з прэзідэнтам Украіны Уладзімірам Зяленскім, а таксама абяцаў даць украінцам дальнабойныя ракеты Taurus. Таксама ён хоча захаваць антырасійскія санкцыі і лічыць, што Украіна павінна весці мірныя перамовы з пазіцыі сілы.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы5
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары