Караеў: На канцэрт Паліны Гагарынай у Гродне грошы ўзялі з бізнэсу
На 9 мая ў Гродне мясцовыя ўлады арганізавалі канцэрт вядомай расійскай спявачкі Паліны Гагарынай. Але сярод ухвальных водгукаў, як заўважыла нават афіцыйная газета аблвыканкама «Гродзенская праўда», «знайшліся і тыя, хто, як звычайна, захацеў укалоць сваім з'едлівым каментаром арганізатараў», запытаўшыся, адкуль грошы на такую раскошу. У выніку нядаўна прызначаны старшыня Гродзенскага аблвыканкама Юрый Караеў мусіў апраўдвацца.
«Мы бачылі каментары пад ролікамі з канцэрта Паліны Гагарынай. Шмат было станоўчых водгукаў. Некаторыя з'едліва пыталіся, колькі з абласнога бюджэту паляцела грошай.
Адказваю — ніколькі. Сродкі па аплаце канцэрта паступілі ад прыстойных спонсараў з прыватнага бізнэсу. Трэба гэта разумець, што ў падаткаплацельшчыкаў мы ні рубля на Паліну Гагарыну або на нейкі іншы канцэрт не ўзялі.
Некаторыя меркавалі, што яна спявала бясплатна. Бясплатна ніхто не спявае, адразу кажу. Але трэба разумець, што кіраўніцтва вобласці і горада з бюджэту на гэта грошай не траціць», — сказаў Юрый Караеў.
«Тандэм, які робіць моцныя хіты». Ганна Сялук і Ганна Благава прадставілі новую «патрыятычную» песню
У Мінску адмянілі танкавы фестываль ад Lesta на 9 Мая. А абяцалі «мегападзею»
Стала вядома, хто будзе хэдлайнерам канцэрта ў Мінску 9 Мая
У беларускіх гарадах выстройваюцца гіганцкія чэргі на канцэрты расійскага артыста Лазарава
Цяпер чытаюць
Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі27
Каментары