«Пятрухін, просьба не займацца лухтой». Кабанаў пасварыўся з былым сябрам падчас дэбатаў у КР
Сёння адбыліся анлайн-дэбаты кандыдатаў у спікеры Каардынацыйнай Рады. Не ўсё прайшло гладка.
Пасяджэнне Каардынацыйнай рады адбывалася ў жывым эфіры. Кожная з фракцый магла задаць да трох пытанняў да кожнага з кандыдатаў на пасаду.
Паколькі ўсе ўдзельнікі прысутнічалі анлайн, то слова прадстаўлялася таму, хто падняў руку. Мадэратарка, віцэ-спікерка Стася Гліннік спачатку заўважыла, што такіх ахвотных яна не бачыць.
«У мяне ёсць рука. Блок «Воля». Сяргей Пятрухін», — падхапіўся блогер.
Мадэратарка заўважыла, што бачыць дзве рукі ад блоку «Воля», куды ўваходзяць пяць чалавек, у тым ліку і Сяргей Пятрухін, і Аляксандр Кабанаў. Яна спытала:
«Хто з вас будзе спікерам ад фракцыі?»
«Я» — коратка заявіў Пятрухін.
«Спікерам ад фракцыі абраны я. Пятрухін, просьба не займацца лухтой», — тут жа абсёк былога сябра і калегу па «Народным рэпарцёры» Аляксандр Кабанаў.
«Аляксандр, дайце мне сказаць. У мяне падрыхтаваныя пытанні… Не такія, як пра дамафон, ці пра гэты…, што вы там рабілі?», — паспрабаваў аспрэчыць Пятрухін.
Тут у размову давялося ўмяшацца Стасі Гліннік:
«Я думаю, што гэтыя пытанні трэба вырашаць унутры фракцыі».
«Унутры фракцыі мы гэтае пытанне вырашылі», — заўважыў Кабанаў.
«Ну я ж першы руку падняў», — паспрабаваў дабіцца свайго Пятрухін.
У выніку слова было прадстаўлена Аляксандру Кабанаву як кіраўніку фракцыі. Пятрухіну давялося чакаць. Магчыма, яму дазволяць выказацца пазней.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары