Праграмістка з Мінска: Я зарабляю 12 тысяч рублёў у месяц. Пры гэтым практычна ўвесь хатні побыт на мне
Вікторыя працуе ў Мінску праграмісткай. Яна вядзе папулярны блог у тыктоку, на які падпісана 28,5 тысячы чалавек. Яе муж таксама працуе ў IT, яны гадуюць маленькую дачку. Нядаўна дзяўчына падзялілася, як у яе сям'і размяркоўваюць хатнія справы.
«Я зарабляю больш за 12 тысяч беларускіх рублёў у месяц. Пры гэтым практычна ўвесь хатні побыт на мне, — расказала ў тыктоку Вікторыя. — Я займаюся гатоўкай, праннем, прыборкай, па неабходнасці адказваю за закупку прадуктаў і ўсіх неабходных дробязяў, абслугоўваю ката і адказваю за распарадак дня маёй гадавалай дачкі.
Займаюся я гэтым не таму, што гэта жаночыя абавязкі, а таму, што я раблю гэта лепш, хутчэй і больш якасна».
Айцішніца кажа, што ў яе мужа, які, як і яна, працуе ў IT, таксама ёсць спіс таго, з чым ён па доме спраўляецца лепш. Але калі хтосьці не хоча займацца нейкімі справамі, ён можа дэлегаваць іх наёмнаму персаналу.
«Нават калі мой муж зарабляў менш за мяне, я ўсё адно гатавала нам абаім, займалася праннем, прыборкай, закупкай прадуктаў.
Мне не складана гэта ўсё рабіць і мяне гэта не напружвае менавіта таму, што гэта не з'яўляецца маім абавязкам і я ў любы момант магу ад гэтага адмовіцца», — патлумачыла свой падыход дзяўчына.
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома15
Каментары
- Дык і вы кажыце!..