Дзіўную і злавесную карціну Фрыды Кала купілі за рэкордныя для жанчыны-мастачкі грошы
Аўтапартрэт мексіканскай мастачкі Фрыды Кала прададзены на аўкцыёне Sotheby’s у Нью-Ёрку за $54,7 млн.
Гэта стала рэкорднай цаной для працы жанчыны-мастачкі, піша The Guardian.
Таргі працягваліся 4 хвіліны, імя пакупніка не раскрываюць.
Карціна пад назвай El sueño (La cama), або «Сон» («Кроў»), была напісана ў 1940 годзе. На ёй Фрыда Кала адлюстравала сябе, якая спіць у ложку. На балдахіне над ёй — шкілет, што пасміхаецца, ён абмотаны дынамітам.
Цікава, што працы Фрыды Кала, якія знаходзяцца ў музеях і прыватных калекцыях на тэрыторыі Мексікі, лічацца помнікамі мастацтва і забароненыя для продажу. Выстаўленая на аўкцыёне праца была ў прыватнай калекцыі, імя ўладальніка якой не раскрываецца.
Раней самай дарагой прададзенай на аўкцыёне карцінай жанчыны-мастачкі была праца амерыканкі Джорджыі О’Кіф «Дурман / Белая кветка № 1». Яе купілі ў 2014 годзе за $44,4 млн.
Днямі карціну Густава Клімта «Партрэт Элізабэт Ледэрэр» прадалі за рэкордныя грошы — 236 млн даляраў.
Анжаліку Мельнікаву бачылі ў Мінску ў «Дана Моле»53
Каментары
Alie, paviercie, takija karciny, heta abaviazkova, i zaŭždy, niejki mesydž. Kštaltu, jak son, viedać sens jakoha dadziena tolki liudziam admyslova adoranym.
Tut treba b viedać bijahrafiju tvorcy i akaličnaści jejnaha žyćcia, padrabiazna, tady, mahčyma, možna bylo b rasšyfravać.