Якая цана?
На Барахолцы Onliner заўважылі незвычайны лот — настольныя вагі. Прысвячаецца ўсім, хто ў дзяцінстве збіраў лісточкі з дрэў і разлічваўся імі за «пакупкі» — здаецца, цяпер можна набыць сапраўдныя вагі, закрыць дзіцячы гештальт і адчуць сябе самым крутым прадаўцом. Тым больш што цана не кусаецца.
Яны зроблены ва Украіне — такі ж надпіс ёсць і на цыферблаце саміх вагаў. На фотаздымках у аб’яве відаць, што прадавец прапануе вагі ў двух колерах — зялёным і блакітным. Кошт пытання — 30 рублёў.
Гір, якія маглі выкарыстоўвацца разам з такімі вагамі, на фота не відаць. Кошт дзялення ў гэтых вагаў — 5 грамаў, а ўзважваць можна прадметы вагой ад 100 грамаў да 10 кілаграмаў.
Акрамя прамога прызначэння — узважвання — можна прыдумаць і іншыя. Напрыклад, зладзіць рэтра-фотасесію або вечарыну, падарыць на памяць камусьці, хто быў звязаны з гандлем у тыя часы, або чалавеку, народжанаму пад знакам Шаляў.
Каментары