У панядзелак падчас тэлефоннай размовы Дональд Трамп сказаў еўрапейскім лідарам, што Уладзімір Пуцін не гатовы спыніць вайну ва Украіне, таму што лічыць, што перамагае, распавялі крыніцы газеце Wall Street Journal.
Гэта размова адбылася пасля двухгадзіннай тэлефоннай гутаркі Трампа з Пуціным, якую абодва прэзідэнты ацанілі станоўча.
Як піша выданне, еўрапейскія лідары і раней разумелі, што расійскі прэзідэнт не гатовы спыніць вайну, але цяпер яны ўпершыню пачулі гэта ад Трампа. Пры тым, што сам Трамп неаднаразова публічна заяўляў, што верыць у жаданне Пуціна дасягнуць мірнага пагаднення.
Белы дом адмовіўся даваць WSJ каментар, спаслаўшыся на пост прэзідэнта ЗША ў сацсетках пра яго размову з Пуціным.
«Тон і дух размовы былі выдатнымі. Калі б гэта было не так, я б сказаў пра гэта цяпер», — пісаў Трамп.
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары
Но это же Трамп. Привыкайте, кто еще не привык.