Нягледзячы на заклапочанасць замаруджаннем сектара, сусветныя брэнды раскошы дэманструюць упэўнены рост у 2025 годзе. Chanel здзівіў рынкі сваім імклівым скачком, а Dior умацаваў свае пазіцыі як самы моцны брэнд паводле Brand Finance.
Porsche захоўвае тытул самага дарагога брэнда раскошы восьмы год запар з брэнд-коштам $41,1 млрд. Аднак Chanel, які паказаў уражлівы рост у 45%, ужо наблізіўся да лідара з $37,9 млрд, абышоўшы Louis Vuitton ($32,9 млрд), які паказаў толькі сціплы рост у 2%.
Топ-10 найкаштоўнейшых раскошных брэндаў у свеце — 2025
Месца
Брэнд
Краіна
Каштоўнасць (USD)
1 Porsche Германія $41.145B 2 Chanel Францыя $37.913B 3 Louis Vuitton Францыя $32.917B 4 Hermès Францыя $19.912B 5 Rolex Швейцарыя $18.772B 6 Dior Францыя $17.287B 7 Cartier Францыя $15.737B 8 Ferrari Італія $14.420B 9 Gucci Італія $11.358B 10 Guerlain Францыя $7.693B
*даныя ў мільярдах
Dior захаваў 6-е месца, павялічыўшы брэнд-кошт на 18% да $17,3 млрд, у той час як Rolex падняўся на дзве пазіцыі да 5-га месца з ростам у 36% ($18,8 млрд), дзякуючы рэкордным даходам і ўстойліваму попыту.
Ferrari, з падобным ростам у 36% (да $14,4 млрд), працягвае паляпшаць свае фінансавыя паказчыкі за кошт абмежаванай прапановы, індывідуалізацыі прадукцыі і партнёрстваў у сферы ладу жыцця.
Gucci, наадварот, страціў 24% кошту(да $11,4 млрд) і апусціўся на чатыры пазіцыі — цяпер на 9-м месцы.
У топ-10 вярнуўся Guerlain, павялічыўшы кошт на 23% да $7,7 млрд, што тлумачыцца поспехам у парфумерным падраздзяленні LVMH.
Сіла брэндаў: Dior наперадзе ўсіх, Ferrari і Lancôme — у лідарах
Dior стаў самым моцным раскошным брэндам у свеце з BSI (індэксам моцнасці брэнда) 93,5 з 100. Брэнд атрымаў 10 з 10 за рэпутацыю ў ЗША, і стабільна высокія паказчыкі ў Еўропе. «Dior сёння — самы папулярны раскошны брэнд у інтэрнэце», — гаворыцца ў справаздачы Brand Finance.
Ferrari на другім месцы па моцнасці (BSI 90,1), з высокімі рэйтынгамі па рэпутацыі і эмацыйнай прывабнасці. Генеральны дырэктар Ferrari Бенэдэта Вінья займае 4-е месца ў свеце сярод CEO, што яшчэ больш умацоўвае брэнд.
Lancôme увайшоў у топ-10 моцных брэндаў, падняўся з 11-га на 8-е месца з BSI 88,4. У Кітаі брэнд дасягае выключнага паказчыка BSI 98,3, што сведчыць пра яго моцную прысутнасць на рынку.
2025 год паказвае, што раскошныя брэнды застаюцца ўстойлівымі і здольнымі адаптавацца, нягледзячы на рызыкі і зменлівыя рынкі.
Каментары