Вечарам у панядзелак жыхарка вёскі Аляксандраўка Шчучынскага раёна звярнулася да ратавальнікаў з просьбай дапамагчы яе суседцы. Вяскоўка расказала, што жанчына напаролася нагой на педаль ровара, паведамляе МНС.
Фота: МНС
57-гадовая жанчына хацела занесці ровар у гаспадарчую пабудову. Не ўтрымаўшы раўнавагу, яна ўпала і напаролася нагой на незашчэпленую вось педалі. Суседка пачула крык аб дапамозе і выклікала МНС.
Супрацоўнікі МНС асцярожна, з дапамогай спецыяльнага інструмента, адрэзалі педаль ад ровара, зафіксавалі яе да нагі і перадалі жанчыну брыгадзе хуткай дапамогі.
У стане сярэдняй ступені цяжкасці медыкі шпіталізавалі пацярпелую.
Каментары