КДБ абвесціў затрыманых кнігавыдаўцоў Яўдаху, Багдановіча і Коласа ўдзельнікамі экстрэмісцкага фармавання
Усе яны былі затрыманыя ў мінулым месяцы.
«Экстрэмісцкім фарміраваннем» прызнана «Кааліцыя друкаваных выдавецтваў «Фонд Kamunikat.org», «Lohvinau Publishing House», «Andrei Yanushkevich Publishing». Рашэнне было прынята КДБ 3 сакавіка.
У сувязі з гэтым фарміраваннем у пераліку згадваюцца Зміцер Колас, Вацлаў Багдановіч, Алесь Яўдаха, — яны знаходзяцца ў Беларусі; а таксама Яраслаў Іванюк, Ігар Логвінаў і Андрэй Янушкевіч — яны за мяжой.
Нагадаем, у лютым у Мінску прайшлі масавыя затрыманні выдаўцоў і распаўсюднікаў кніг. Тады былі затрыманыя Колас, Багдановіч, Яўдаха. Усіх іх спачатку адправілі на суткі па адміністратыўных пратаколах. З рашэння КДБ вынікае, што на ўсіх трох цяпер заведзеныя крымінальныя справы.
Абвінавачанні ў экстрэмізме выкарыстоўваюцца беларускімі ўладамі для барацьбы з апанентамі, а таксама для пераследу іншадумства ў цэлым.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары
А лукашенко занят любимым делом - издевательствами над беларусами...