З заявы па выніках саміту НАТА выключылі крытыку Расіі і абяцанне прыняць у альянс Украіну
На саміце НАТА, які прайшоў у нідэрландскай Гаазе 24—25 чэрвеня, краіны-ўдзельніцы не ўключылі ў выніковую заяву рэзкую крытыку Расіі і не пацвердзілі абяцанне прыняць Украіну ў альянс. Як паведамляе The Telegraph, сёлета тэкст заявы значна карацейшы, чым у 2024 годзе: у ім усяго каля 400 слоў, і Расія згадваецца толькі адзін раз, а Украіна — двойчы.
У заяве гаворыцца, што краіны НАТА працягваюць падтрымліваць Украіну, бо яе бяспека важная і для іх. Для гэтага альянс улічыць прамую дапамогу абарончай прамысловасці Украіны як частку агульных выдаткаў на абарону.
Расію згадваюць толькі ў кантэксце пагроз, якія стаяць перад НАТА. Там падкрэсліваецца, што Расія ўяўляе доўгатэрміновую небяспеку для еўраатлантычнай бяспекі, таму члены альянсу будуць выдзяляць не менш за 5% ВУП на абарону.
Для параўнання: у мінулагодняй заяве НАТА адкрыта абвінавачвала Расію ў поўнамаштабным уварванні ва Украіну і заяўляла, што будучыня Украіны — у НАТА.
The Telegraph адзначае, што сёлетнюю заяву зрабілі больш кароткай і стрыманай, каб засяродзіцца на галоўным пытанні для Дональда Трампа — фінансавых выдатках на абарону. ЗША патрабуюць, каб еўрапейскія краіны павялічылі гэтыя выдаткі да 5% ВУП.
Таксама паведамляецца, што Трамп не падтрымаў больш жорсткую фармулёўку, якую прасіў уключыць прэзідэнт Украіны Уладзімір Зяленскі, бо баіцца, што гэта перашкодзіць яго магчымым перамовам з Пуціным пра мірнае ўрэгуляванне.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку9
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары