Прэзідэнт ЗША Дональд Трамп паставіў пад сумнеў традыцыйную інтэрпрэтацыю 5-га артыкула Дамовы аб стварэнні НАТА, якая гарантуе калектыўную абарону краін-удзельніц у выпадку нападу на адну з іх.
Падчас размовы з журналістамі на борце прэзідэнцкага самалёта Air Force One Трампа спыталі, ці пацвярджае ён абавязацельствы ЗША адносна саюзнікаў па НАТА паводле гэтага артыкула.
На гэта ён адказаў, што «ўсё залежыць ад таго, як вы яго трактуеце», і адзначыў, што ёсць шмат розных інтэрпрэтацый гэтага пункта.
Таксама прэзідэнт ЗША дадаў, што сябруе з многімі лідарамі краін НАТА і гатовы ім дапамагаць. А на дадатковае пытанне пра гатоўнасць абараняць саюзнікаў заявіў, што выступае за «захаванне жыцця і бяспекі людзей», але дасць дакладны адказ пра сваю трактоўку артыкула 5 толькі пасля прыбыцця на саміт НАТА, а не падчас палёту.
Артыкул 5 з'яўляецца асновай існавання НАТА з часоў «Халоднай вайны» і вызначае прынцып калектыўнай абароны: напад на адну краіну разглядаецца як напад на ўсіх.
Трамп ужо раней крытыкаваў саюзнікаў ЗША за тое, што яны, маўляў, недастаткова фінансуюць сваю абарону і занадта спадзяюцца на падтрымку Вашынгтона.
Беларус набыў кватэру ў Іспаніі, але яе занялі акупасы. Цяпер ён не можа яе вярнуць44
Каментары