Вызначыліся ўсе ўдзельнікі 1/4 фіналу клубнага чэмпіянату свету па футболе
На КЧС, што праходзіць у ЗША, скончыліся матчы 1/8 фіналу і вызначыліся пары чвэрцьфіналістаў.
У 1/4 фіналу згуляюць:
«Флумінэнсэ» (Бразілія) — «Аль-Хіляль» (Саудаўская Аравія), пятніца, 22:00 па мінскім часе:
«Палмэйрас» (Бразілія) — «Чэлсі» (Лондан), субота, 4-я раніца па мінскім часе,
ПСЖ (Францыя) — «Баварыя» (Германія), субота, 19:00,
«Рэал» (Іспанія) — «Барусія Дортмунд» (Германія), субота, 22:00,
На стадыі 1/8 фіналу турнір пакінулі «Інтэр Маямі», «Інтэр Мілан», «Манчэстэр Сіці», «Ювентус».
***
Клубны чэмпіянат свету па футболе — спаборніцтва, у якім бяруць удзел пераможцы еўрапейскай Лігі чэмпіёнаў, паўднёваамерыканскага Кубка Лібертадорэс, аналагаў у Паўночнай Амерыцы, Афрыцы і Азіі, а таксама некаторыя клубы з найлепшым рэйтынгам.
Упершыню ў турніры, што праходзіць у ЗША з 14 чэрвеня па 13 ліпеня бяруць удзел 32 каманды, што былі разбітыя на восем групаў.
Турнір праходзіць з пэўнымі цяжкасцямі: спёка, на некаторых матчах групавога турніру было мала гледачоў, перыядычна гульні спыняліся з-за неспрыяльных умоваў надвор'я, напрыклад, навальніцаў.
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары