Выйшаў на свабоду Аляксандр Раентаў — у 2020-м яго затрымалі ў тралейбусе разам з сястрой, яе пасадзілі за ўкус сілавіка
41-гадовы палітвязень цалкам адбыў пяцігадовы тэрмін, яго ўтрымлівалі ў турэмных умовах у Жодзіна.
Пасля адбыцця пяцігадовага тэрміну выйшаў на свабоду палітвязень Аляксандр Раентаў. Яго арыштавалі 4 снежня 2020 года і асудзілі за ўдзел у пратэстах і супраціў сілавікам.
Аляксандр і яго сястра Наталля сталі вядомыя пасля свайго затрымання 29 жніўня 2020 года. Тады пасля Жаночага марша амапаўцы і людзі ў цывільным жорстка хапалі людзей у тралейбусе. Наталля, вырываючыся, укусіла аднаго з сілавікоў за сцягно. Ёй прысудзілі 8 месяцаў калоніі.
Аляксандр спачатку трапіў на суткі, але праз некалькі месяцаў арыштавалі і яго. Раентаву прысудзілі 5 гадоў калоніі. Неўзабаве пасля пераводу з СІЗА ў калонію №22 Ваўчыныя норы пад Івацэвічамі ён апынуўся ў памяшканні камернага тыпу. А ў студзені 2023 года палітвязня перавялі на турэмныя ўмовы ў Жодзіна.
Па падліках правааабаронцаў, ён выйшаў на волю ў чэрвені 2025 года.
Цяпер чытаюць
Дзве ўдачы, дзякуючы якім адбылася кар'ера новага прэс-сакратара МЗС Руслана Варанкова13
Каментары
Працуем далей!