Лукашэнка: Прыйшоў час вярнуцца на шлях нармалізацыі адносін Беларусі і ЗША
Аляксандр Лукашэнка накіраваў Дональду Трампу віншаванне з Днём Незалежнасці ЗША. Звычайна ён не віншуе лідараў «недружалюбных» краін.
Аляксандр Лукашэнка ад імя суайчыннікаў і сябе асабіста павіншаваў прэзідэнта Злучаных Штатаў Амерыкі Дональда Трампа і ўсіх амерыканцаў з Днём Незалежнасці.
«У перыяд вашага першага прэзідэнцтва Мінск і Вашынгтон сталі на шлях нармалізацыі адносін. На жаль, у пэўны момант беларуска-амерыканскае ўзаемадзеянне адышло ад той пазітыўнай лініі, — адзначыў палiтык. — Перакананы, што такое становішча не адпавядае нацыянальным інтарэсам ні нашых краін, ні народаў. Настаў час яго змяніць».
Беларусь заўсёды выступала за пабудову канструктыўнага і паважлівага дыялога з ЗША, заявіў Лукашэнка.
Пасля падзей 2020 года Лукашэнка перастаў віншаваць кіраўнікоў так званых «недружалюбных» краін. Замест гэтага публікуецца віншаванне іх народу.
Пасля вяртання Дональда Трампа на пасаду прэзідэнта ЗША былі адноўленыя беларуска-амерыканскія кантакты. Вынікам гэтага стаў візіт у Мінск спецпасланніка Трампа Кіта Келага ў Мінск, пасля чаго былі вызваленыя 14 палітвязняў, у тым ліку і Сяргей Ціханоўскі.
-
«Сорамна і балюча!» Сяргей Ціханоўскі паскардзіўся на недастатковую падтрымку беларусаў
-
«Мы чакалі Полк Каліноўскага, каб вызваліў нас». Палітвязень патлумачыў, чаму папрасіў аб памілаванні
-
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту
Цяпер чытаюць
«Мы чакалі Полк Каліноўскага, каб вызваліў нас». Палітвязень патлумачыў, чаму папрасіў аб памілаванні5
Каментары