У Маскоўскае РУУС Мінска звярнуўся мужчына, які паведаміў пра знікненне ў яго будаўнічых матэрыялаў коштам каля 1 500 рублёў. Ён пакінуў іх у агульным калідоры, але праз некалькі дзён яны прапалі.

Высветлілася, што матэрыялы спадабаліся 54-гадоваму мужчыну, які рабіў рамонт у кватэры свайго зяця ў тым жа доме. Ён прайшоўся па паверхах і, заўважыўшы рэчы без нагляду, вырашыў іх прысвоіць. На працягу двух дзён ён паступова перацягнуў усё ў зяцеву кватэру.
У дачыненні да мужчыны завялі крымінальную справу за крадзеж, яму таксама прыйдзецца кампенсаваць нанесеную шкоду.
Каментары