Лукашэнка праверыў фізпадрыхтоўку генералаў. «Усе паказалі толькі выдатныя вынікі»
Па даручэнні Лукашэнкі былі праведзеныя кантрольныя заняткі па фізічнай падрыхтоўцы вышэйшага афіцэрскага складу сілавых ведамстваў. Пра вынікі праверкі журналістам расказаў дзяржсакратар Рады бяспекі Аляксандр Вальфовіч, піша БелТА.
«Акцэнт зроблены на якасці правядзення мерапрыемстваў як аператыўнай, так і баявой падрыхтоўкі, паколькі асновай якаснага выканання задач па прызначэнню з’яўляецца фізічная падрыхтоўка, фізічная вынослівасць вайскоўцаў. Зыходзячы з гэтага Лукашэнкам была пастаўлена задача Дзяржсакратарыяту Рады бяспекі арганізаваць і праверыць фізічную падрыхтоўку кіраўнічага складу ўсіх структур сістэмы забеспячэння нацыянальнай бяспекі нашай краіны. То бок усіх генералаў і афіцэраў, якія знаходзяцца на вышэйшых вайсковых пасадах», — расказаў Вальфовіч.
Пад праверку трапілі ўсе генералы і палкоўнікі, якія займаюць генеральскія пасады, з 11 сілавых ведамстваў. Нягледзячы на тое, што заняткі арганізоўваў Дзяржсакратарыят Рады бяспекі, у строй таксама быў пастаўлены і вышэйшы афіцэрскі склад гэтай структуры.
Кантрольныя заняткі правялі з прыцягненнем спецыялістаў Спартыўнага камітэта Узброеных сіл на базе Мінскага сувораўскага вайсковага вучылішча і Цэнтральнага дома афіцэраў. Вайскоўцы выконвалі практыкаванні на вынослівасць, у прыватнасці, бег на 500 м або плаванне на 100 м, і на сілу — падцягванне на перакладзіне або комплекснае сілавое практыкаванне. Па выніках праверкі быў адзначаны высокі ўзровень фізічнай падрыхтоўкі службовых асоб.
«Усе правераныя службовыя асобы паказалі толькі выдатныя і добрыя ацэнкі. Ніводнай нездавальняючай, здавальняючай ацэнкі не было атрымана. Пры гэтым 70 % выдатных ацэнак і 30 % — добрых. Радасна, што ўсе міністры, кіраўнікі ўсіх ведамстваў атрымалі толькі выдатныя адзнакі», — дадаў Аляксандр Вальфовіч.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро10
Каментары
Я как-то уже описывал здесь, как у нас в части с особым уклоном на спецподготовку проверяющим сдавали нормативы по физподготовке старшины рот (прапорщики), включая моего, служившего в Кремлёвском полку, болтавшегося на турнике, а командир части с заместителями ходили строевой в стороне от нас под команды проверяющего полковника из командования войск.
Уверен, что и во время этой проверки Лукашенко никто из силовых министров и генералов даже не похудел и вообще не вспотел, а из-за представившегося себе сейчас успешно сдающим нормативы на хорошо и отлично начальника генштаба Павла Муравейко мне вообще сегодня всю ночь будут сниться одни кошмары...
P.S. Вольфович, видимо, забыл упомянуть, что хотя на подполковника Лукашенко проверка не распространялась, но он по своей инициативе физо сдал на отлично.