U Baranavičach padčas zalevy papłyła pa vulicy skulptura čyhunačnika VIDEA
U Baranavičach padčas zalevy sarvała i paniasło fihuru čyhunačnika ź niadaŭna adkrytaj ekspazicyi, pryśviečanaj prysvajeńniu hetamu rajcentru zvańnia «horada pracoŭnaj słavy».
Na videa, apublikavanym u tyktoku, bačna, jak fihura na draŭlanym paddonie płyvie pa zatoplenaj vulicy siarod aŭtamabilaŭ.
Jana ruchałasia ŭ bok Paŭdniovaha mikrarajona, a potym, adšturchnuŭšysia ad aŭtamabila, viarnułasia nazad — da ZAHSa, dzie i znachodzicca art-instalacyja «Horad pracoŭnaj słavy. 1941—1945 hady».
Skulpturu chutka vyłavili rabotniki ŽKH.
«Ciapier jana časova staić kala «Biełtelekama», ale kali nadvorje palepšycca, vierniem jaje na miesca. Ni hetaja, ni inšyja skulptury padčas zalevy nie paciarpieli», — raskazaŭ dyrektar haradskoj ŽKH Dźmitryj Cichno.
Jon taksama paviedamiŭ, što rabotniki prybirajuć terytoryju vakoł baranavickaj steły — liŭnievaja vada razmyła kvietniki i źniesła dekaratyŭnuju karu.
«Spačatku našy słužby likvidujuć samyja surjoznyja nastupstvy stychii, a paśla zojmucca mienšymi prablemami. Ciapier usie kamunalnyja słužby horada pracujuć tolki nad nastupstvami ŭrahanu», — paviedamiŭ Cichno.
«Horad pracoŭnaj słavy 1941—1945». U Baranavičach adkryli manumient ź dziŭnaj nazvaj
Pad Minskam učora bačyli śmierč
Učora ŭ Žłobinie i Maładziečnie vypała tracina miesiačnaj normy apadkaŭ
«Vada z druhoha paviercha topić pieršy i traplaje ŭ lifty». Adzin z damoŭ u «Minsk-Śviecie» znoŭ papłyŭ
Vilenskuju kniharniu ź biełaruskimi knihami ŭ Zareččy zatapiła padčas zalevy
Ciapier čytajuć
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki19
Kamientary