У Італіі 78-гадовы мужчына цудам вярнуўся да жыцця праз паўгадзіны пасля таго, як у яго двойчы спынілася сэрца. Інцыдэнт адбыўся ў курортным раёне Марына Велька, што ў правінцыі Вітэрба. Мужчына, які мае лівійскае паходжанне, але жыве ў Італіі, страціў прытомнасць на вуліцы, піша выданне La Reppublica.
Медыкі выявілі ў мужчыны інфаркт і два паслядоўныя спыненні сэрца. Рэанімацыя працягвалася больш за 30 хвілін. Нават выклікалі верталёт, каб тэрмінова адвезці яго ў бальніцу. Але калі выратаваць пацярпелага не ўдалося, то рэанімацыю спынілі і афіцыйна абвясцілі пра смерць.
Чалавека пакінулі ў машыне хуткай дапамогі ў чаканні пахавальнай службы. Але праз каля 30 хвілін ён раптам расплюшчыў вочы, загаварыў і папрасіў патэлефанаваць сваім дочкам.
Яго даставілі ў бальніцу разам з паліцэйскім, якога па дарозе ўкусіў сабака пацярпелага. Цяпер стан мужчыны стабільны.
Лекары мяркуюць, што магчыма, з ім адбыўся рэдкі феномен — так званы «сіндром Лазара». Гэта калі пасля спынення рэанімацыі чалавечае сэрца раптам зноў пачынае біцца.
Упершыню гэты феномен быў апісаны ў 1982 годзе і названы ў гонар біблейскага Лазара, якога ўваскрасіў Ісус Хрыстос. Такія выпадкі надзвычай рэдкія і могуць быць звязаныя з дзеяннем некаторых медыкаментаў.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары