Грамадства1111

Даведаліся, як жыве Сяргей «Хлопатнае дзельца» Міронаў

23-гадовы Сяргей Міронаў у 2020 годзе працаваў на «Інтэграле» і нечакана для сябе самога стаў героем інтэрнэт-мемаў, калі пасля затрымання на адным з маршаў сілавікі запісалі з ім відэа. Падчас здымак хлопец не стушаваўся і арыгінальна саскочыў з пытанняў супрацоўніцы міліцыі: назваў забастоўкі «хлопатным дзельцам» і параіў усім беларусам кідаць курыць, каб мець магчымасць бегаць ва ўсю моц.

Сяргей Міронаў. Скрыншот з відэа МУС

У 2020-м Сяргей Міронаў адсядзеў 15 сутак. Маці Сяргея таксама два разы судзілі — за ўдзел у мірнай акцыі і за беларускі сцяг на акне. У 2021 годзе іх абаіх зноў затрымалі — Сяргей правёў у няволі яшчэ 30 сутак.

Ад знаёмых хлопца «Наша Ніва» даведалася, чым ён займаецца сёння.

Як высветлілася, пасля таго, як Сяргей звольніўся з «Інтэграла», ён нейкі час вывучаў на курсах JavaScript (мова праграмавання), пасля ўладкаваўся на яшчэ адзін завод, але ў 2023 годзе выехаў з Беларусі, у тым ліку перажываючы, што беларусы могуць уступіць у вайну з Украінай.

Сёння Сяргей Міронаў жыве ў Польшчы і працуе на заводзе аператарам рэзальна-фрэзеравальнага CNC станка (з лічбавым праграмным кіраваннем). Паралельна спасцігае камп’ютарную навуку ў Школе лічбавых кампетэнцый Еўрапейскага гуманітарнага ўніверсітэта.

У міліцэйскім роліку Сяргей раіў усім беларусам кінуць паліць, і сам паступова таксама прыйшоў да гэтага.

«Ведаю, што бегаць ён спрабаваў, але выявіліся праблемы з галёнкамі, таму кінуў і часцей ездзіць на ровары», — расказаў знаёмы Сяргея.

Свабоднага часу ў хлопца пасля працы і заняткаў анлайн ва ўніверы застаецца няшмат, але калі з’яўляецца свабодная хвілінка, ён чытае, слухае аўдыякнігі і медытуе.

Калі Сяргея і яго маці затрымлівалі, многія беларусы перажывалі за яшчэ аднаго члена іх сям’і — сабаку Фелікса. У хвастатага зараз усё добра, ён застаецца разам з матуляй у Беларусі.

Сябар Сяргея таксама расказаў, што яго сэрца цяпер занятае — ён сустракаецца з дзяўчынай.

«Ведаю, што ён імкнецца пашыраць веды ў розных галінах. І вельмі перажывае, каб у Беларусі і ў нашых суседзяў не здарылася яшчэ чаго горшага.

Здабыццё як мага больш сапраўднай свабоды волі для яго застаецца каштоўнасным арыенцірам».

Каментары11

  • Ваш кэп
    26.07.2025
    Он если бы и не хотел бросать курить, все равно бы бросил.
    Для ментов он чудак, они, наверное, не знали, что с ним делать.
  • Джейсон Стэтхэм
    26.07.2025
    Если бы можно было загружать сюда картинки, я бы не поленился бы добавить открытку с изображением и цитатой Джейсона Стэтхэма: "Фарта, удачи, воровского азарта и т.д.")))
    Удачи тебе, чел! Живи на позитиве!
  • БЕРАСЦЬ
    26.07.2025
    Жыве Беларусь, пакуль ёсць такія, як Сярога!

Цяпер чытаюць

Цэны на шакалад здзіўляюць

Цэны на шакалад здзіўляюць

Усе навіны →
Усе навіны

Адна з дзяржаў рыхтуецца да першай у свеце планаванай міграцыі ўсёй нацыі3

На Міншчыне заўважылі два магчымыя тарнада

«Я страціла сэнс жыцця». Спявачцы Рыце Дакота забаранілі выступаць у Расіі30

У Будславе археолагі адкапалі старажытны падмурак касцёла

Былы беларускі ваяр суткі катаваў свайго сябра, а пасля забіў сябе40

Сёлета кляшчы кусаюць беларусаў амаль на 11% часцей, чым летась

Столькі праблем, а тут Стрыжак з яго падлеткавымі гульнямі40

Катар прыгразіў Еўропе скарачэннем паставак газу3

Колькасць пацверджаных расійскіх ваенных страт перавысіла 120 тысяч чалавек12

больш чытаных навін
больш лайканых навін

Цэны на шакалад здзіўляюць

Цэны на шакалад здзіўляюць

Галоўнае
Усе навіны →

Заўвага:

 

 

 

 

Закрыць Паведаміць