Вайскоўцы, якія ваююць у Пакроўску Данецкай вобласці, пацвердзілі «Украінскай праўдзе» факт пранікнення расейцаў у горад, цяпер ідзе ліквідацыя расійскіх дыверсійных груп.
Па даных вайскоўцаў, з якімі гаварыла выданне, першыя групы расійскай пяхоты ў Пакроўску зафіксавалі яшчэ 5 дзён таму — 17 ліпеня.
Увечары 21 ліпеня аналітычны праект Deep State паведаміў, што ў Пакроўску «працягваецца ліквідацыя дыверсійных груп» расейцаў.
«Пару дзён таму праціўнік, скарыстаўшыся тым, што ў адной з брыгад банальна скончылася пяхота, а таксама недакладным прадстаўленнем абстаноўкі на месцах, праз Зверава пракраўся ў сам горад. Тэрмінова сітуацыю прыйшлося выпраўляць хлопцам з 155 АМБр і 68 АЕБр, каб гэта не перарасло ў катастрофу», — гаворыцца ў паведамленні Deep State.
Адзначалася, што расейцы маюць на мэце замацавацца, дачакацца прыбыцця падмацавання і ўзяць пад кантроль вуліцу Абаронцаў Украіны.
Па стане на вечар 21 ліпеня працягваўся пошук і знішчэнне дадзеных расійскіх груп.
«На жаль, і з нашага боку ёсць страты. Акрамя таго, узрасла колькасць дружалюбнага агню, бо ўсе ведалі пра «ДРГ» амаль адразу, але большасць не мела разумення ні маршрутаў, ні як і дзе знаходзяцца. Таму навіны, якія тычацца падобных пранікненняў варта падаваць з халоднай галавой», — дадалі ў Deep State.
Таксама аналітыкі праекта падкрэслілі, што ў сетцы ўжо ёсць відэа, як ваенныя Сіл абароны трапляюць у засаду на рагу вуліц Шаўчэнкі і Абаронцаў Украіны.
Раней галоўнакамандуючы Узброеных Сіл Украіны Аляксандр Сырскі заявіў аб знішчэнні расейскіх дыверсантаў, якія прарываліся ў Пакроўск Данецкай вобласці.
Каментары
ну ужо метраў двесце збаўце
А то дзе той пехоты напасешся.