Камандарм Літвы: Можа быць і так, што ніякі аб'ект у Літву з Беларусі і не залятаў
Інфармацыя пра дрон, які заляцеў у Літву, можа быць несапраўднай, сказаў камандарм Літвы Раймундас Вайкшнорас. Паводле яго слоў, правяраюць усе магчымыя варыянты, уключаючы версію, што ніякі аб’ект у Літву не залятаў, піша Delfi.lt.
«Правяраюць і іншыя версіі — ці знаходзіцца дрон у Літве, а можа, гэта быў фэйк», — сказаў LRT 29 ліпеня Вайкшнорас. «Можа быць, ніякі аб’ект у Літву наогул не залятаў», — працягнуў ён.
Паводле слоў камандарма, відэа, якія ў сацыяльных сетках распаўсюджвалі 28 ліпеня, маглі быць знятыя ва Украіне. «Пакуль праводзіцца апытанне жыхароў, якія першымі ўбачылі, пачулі або яшчэ нешта заўважылі і паведамілі ў Адзіны цэнтр дапамогі (…). На сённяшні дзень ствараецца ўражанне, што большасць нічога не бачыла, але нешта чула. А тое, што было пададзена ў выглядзе відэазапісаў, таксама дастаткова двухсэнсоўная інфармацыя, у нас ёсць падазрэнні, што відэа зроблены ва Украіне», — сказаў Вайкшнорас.
28 ліпеня раніцай літоўская паліцыя праінфармавала жыхароў Літвы пра тое, што з Беларусі прыляцеў беспілотнік невызначанага тыпу. Міністр абароны Літвы Давіле Шакалене тым ранкам сказала, што не выключана, што гэта мог быць выпадкова заляцеўшы дрон, які накіроўваўся ва Украіну. Паводле яе слоў, такія інцыдэнты магчымыя і ў будучыні. МЗС запрасіў інфармацыю пра тое, ці не можа гэты дрон быць баявым. Калі такая інфармацыя пацвердзіцца, то паслу Беларусі будзе ўручана нота.
10 ліпеня ў Літву з Беларусі ўжо залятаў дрон «Гербера». Паводле звестак службаў, ён не ўяўляў ніякай небяспекі. Вядзецца расследаванне гэтага інцыдэнту.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
[Зрэдагавана]