Уначы 8 кастрычніка ў Беларусі магчымыя часовыя праблемы з разлікамі банкаўскімі карткамі. Банкаўскі працэсінгавы цэнтр запланаваў на гэты час правядзенне тэхналагічных работ.
Як паведамілі ў «Белінвестбанку» са спасылкай на Банкаўскі працэсінгавы цэнтр, з поўначы да 6:00 могуць узнікаць цяжкасці з правядзеннем анлайн-плацяжоў у інтэрнэце.
З 2:00 да 2:30 магчымыя праблемы з прывязкай новых картак у дадатку «Белкарт Pay», аплатай пакупак з дапамогай смартфона праз «Белкарт Pay» у гандлёвых і сэрвісных арганізацыях, а таксама з атрыманнем наяўных грошай у адпаведных пунктах, інфакіёсках і банкаматах.
Акрамя таго, з 3:00 да 3:20 можа быць недаступны сэрвіс фарміравання і адпраўкі аднаразовых пароляў 3‑D Secure пры правядзенні аперацый з карткамі «Белкарт». У гэты ж час магчымыя праблемы з працай сэрвісу Belkart Prime.
У Банкаўскім працэсінгавым цэнтры прынеслі прабачэнні ўладальнікам картак за магчымыя часовыя нязручнасці.
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары