Расія разглядае прапанову аб «паветраным перамір’і» з Украінай, але без спынення вайны
Крэмль разглядае магчымасць зрабіць саступку прэзідэнту ЗША Дональду Трампу — у тым ліку часовае паветранае перамір’е з Украінай, каб пазбегнуць другасных санкцый. Гаворка ідзе пра часовае прыпыненне ўдараў дронамі і ракетамі, але не пра поўнае спыненне баявых дзеянняў, даведаўся Bloomberg.
Прэс-сакратар Крамля Дзмітрый Пяскоў заявіў, што сустрэчы з амерыканскім спецыяльным прадстаўніком Стывам Уіткафам важныя, але адмовіўся каментаваць магчымыя прапановы да сустрэчы.
У той жа час палітолаг Сяргей Маркаў, набліжаны да Крамля, адзначыў, што Трампу патрэбен «падарунак» ад Расіі, і часовае перамір’е ў небе можа быць такім жэстам.
У той жа час Уладзімір Пуцін не гатовы да поўнага спынення агню, бо ягоныя войскі працягваюць наступленне, а мэты вайны не змяніліся. Таксама незразумела, ці будуць умовы перамір’я прымальныя для Украіны і яе саюзнікаў.
Паведамляецца, што на фоне пагроз Дональда Трампа ўвесці новыя мытныя пошліны супраць краін, якія закупляюць расійскую нафту (уключаючы Індыю і Кітай), у Крамлі шукаюць магчымасці для кампрамісу, каб не трапіць пад новы віток эканамічнага ціску.
Аляксандр Лукашэнка таксама выказваў ідэю паветранага перамір’я на сустрэчы з Пуціным і раней, падчас размовы з прадстаўніком Трампа Кітам Келагам. Паводле яго слоў, Расія нібыта гатовая да такога перамір’я, і Кіеў мусіць на тое пагадзіцца.
Трамп лічыць, што Пуцін не будзе ваяваць, калі цана нафты зменшыцца яшчэ на 10 даляраў
Зяленскі паразмаўляў праз тэлефон з Дональдам Трампам
Пуцін не хоча злаваць Трампа, але падпарадкоўвацца яго ультыматуму наўрад ці будзе
Мядзведзеў прыкусіў язык пасля рашэння Трампа адправіць да Расіі ядзерныя падлодкі
Трамп павялічыць пошліны для Індыі за перапродаж расійскай нафты
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну7
Каментары
Я ж кажу, што палітвязні не былі галоўнай тэмай перамоў з Келогам.