Урад Лівана даручыў арміі распрацаваць план раззбраення групоўкі «Хезбала», якая падтрымліваецца Іранам. Такое рашэнне было прынята пасля амаль шасцігадзіннага пасяджэння кабінета міністраў. Паводле слоў прэм’ер-міністра Навафа Салама, да канца месяца Генштаб павінен прадставіць план, каб да канца года права на ўзбраенне мелі толькі дзяржаўныя Узброеныя сілы, паведамляе Euronews.
Рашэнне прынята на фоне моцнага ціску з боку ЗША. У ліпені Бейрут наведаў спецпрадстаўнік прэзідэнта ЗША Том Барак, які заклікаў ліванскія ўлады прыняць жорсткія меры супраць «Хезбалы».
Аднак прадстаўнік групоўкі Наім Касем у сваім тэлевізійным звароце заявіў, што раззбраенне немагчымае ва ўмовах ізраільскай агрэсіі. Ён падкрэсліў, што «Хезбала» лічыць сябе часткай Лівана і не прыме патрабаванняў здаць зброю без гарантый нацыянальнай бяспекі.
Падчас 14-месячнага канфлікту з Ізраілем, які скончыўся перамір’ем у лістападзе 2024 года, «Хезбала» страціла шмат сваіх баевікоў, а яе ўзбраенне было значна знішчана. Тым не менш, групоўка застаецца ўплывовай, асабліва сярод мусульман-шыітаў.
Ізраільская армія працягвае займаць пяць стратэгічных пунктаў на тэрыторыі Лівана, спасылаючыся на патрэбу гарантавання бяспекі. «Хезбала» сцвярджае, што не будзе абмяркоўваць раззбраенне, пакуль ізраільскія войскі не пакінуць гэтыя тэрыторыі і не спыняць штодзённыя абстрэлы.
Наім Касем таксама папярэдзіў, што ў выпадку шырокамаштабнай атакі з боку Ізраіля «Хезбала» адкажа, і ракеты ўпадуць на ізраільскую тэрыторыю. Ён заявіў, што групоўка супраць галасавання ў ўрадзе па пытанні яе раззбраення — такое рашэнне, на яго думку, павінна быць падтрымана ўсім ліванскім народам.
Ізраіль упершыню сур'ёзна разглядае магчымасць заключэння міру з Сірыяй і Ліванам
Мерц: Ізраіль робіць гэту брудную працу за нас
«Тое, што Ізраіль зрабіў з Іранам, — гэта тое, што Расія хацела зрабіць з Украінай»
Спецаперацыя як з ізраільскімі пейджарамі: расійскім аператарам дронаў падарылі замініраваныя акуляры
Як рыхтавалася аперацыя па падрыве пэйджараў і рацый «Хезбалы»? Агенты «Масада» раскрылі падрабязнасці
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары