Грамадзянін Кітая Вэй Цянь Лін спрабаваў незаконна вывезці з ЗША ў Ганконг больш за 850 рэдкіх чарапах і іншых жывёл агульным коштам каля 1,4 мільяна даляраў. Ён адправіў больш за 220 пасылак, падпісваючы іх як «пластыкавыя цацкі», але на мяжы выявілі, што ўнутры знаходзіліся жывыя жывёлы, звязаныя і загорнутыя ў шкарпэткі, паведамляе NBC News.
Акрамя чарапах, Лін адправіў 11 пасылак з рэптыліямі, у тым ліку з атрутнымі змеямі. Ён прызнаўся, што наўмысна падаваў хлуслівую інфармацыю пра змесціва пасылак, каб жывёлы маглі некалькі тыдняў вандраваць да Ганконга.
Абодва віды чарапах — усходнія і трохпальцыя каробчатыя — знаходзяцца пад аховай Канвенцыі CITES і вельмі цэняцца на азіяцкіх рынках як экзатычныя свойскія жывёлы.
За такія дзеянні мужчыну пагражае да 5 гадоў турмы і штраф каля 250 тысяч даляраў або нават больш.
Каробчатыя чарапахі атрымалі сваю назву дзякуючы асабліваму шарніру ў панцыры, які дазваляе ім цалкам закрывацца, як у «каробцы», каб абараніцца ад драпежнікаў.
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП16
Каментары