У цэнтры Мінска пабудуюць некалькі жылых кварталаў. Дзе для іх знайшлі месца
У Першамайскім раёне ідзе грамадскае абмеркаванне горадабудаўнічага праекта дэталёвага планавання тэрыторыі ў раёне пр. Незалежнасці — вул. Філімонава — Сляпянскай воднай сістэмы — вул. Макаёнка — Дзіцячай чыгункі — межы парку імя Чалюскінцаў. Што там будуць будаваць, піша «Мінск-Навіны».
Архітэктары звярнулі ўвагу на тэрыторыю, якая, як паказана ў праекце, занята «забудовай з нізкімі паказчыкамі выкарыстання, несумяшчальнымі з горадабудаўнічай значнасцю раёна». Размова ідзе пра больш як 10 га сталічнай зямлі на вуліцах Парніковай — Філімонава, занятай парнікова-цяплічным камбінатам. Таксама ў межы праектавання трапляюць былыя вытворчыя тэрыторыі «Беларусьфільма» і Міністэрства культуры, размешчаныя паблізу завулка Макаёнка. Менавіта гэтыя дзве зоны стануць пляцоўкамі для ўзвядзення шматкватэрнай высокашчыльнай забудовы.
Што пабудуюць
- два 16-павярховыя дамы (на 191 і 95 кватэр);
- дзве адкрытыя шматузроўневыя паркоўкі (157 і 107 месцаў);
- школа на 700 месцаў;
- дзіцячы сад на 230 месцаў;
- яшчэ адна школа на 750 месцаў;
- грамадскі аб’ект з гаражом-стаянкай.
Калі пабудуюць
Завяршэнне будаўніцтва першага квартала каля вул. Макаёнка чакаецца да 2028 года. Другі этап разлічаны да 2030-га, хоць вынясенне цяплічнага камбіната пакуль толькі ў планах.
Чаго чакаць
Жылы фонд павялічыцца тут з 201 тыс. да 491,7 тыс. кв. м (каля 8 тыс. кватэр), насельніцтва — з 8,3 тыс. да 17,5 тыс. чалавек.
Абмеркаванне праекта працягнецца да 22 жніўня, заўвагі прымае адміністрацыя Першамайскага раёна.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося26
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі99
Каментары