Махляры выманілі ў пенсіянеркі залатыя зліткі амаль на 220 тысяч рублёў
У Магілёўскім абласным судзе разглядзелі апеляцыю трох мінчукоў, асуджаных за махлярства ў складзе арганізаванай групы ў асабліва буйным памеры. Злачынная група дзейнічала па традыцыйнай схеме падману пенсіянераў, паведамляе прэс-служба Генеральнай пракуратуры.
Махляры патэлефанавалі 70-гадовай жанчыне з Магілёўскага раёна, прадставіўшыся супрацоўнікамі арганізацыі, якая займаецца энергазабеспячэннем. Атрымаўшы яе тэлефон і даныя пашпарта, махляры перадалі інфармацыю «супрацоўніку Следчага камітэта», які пераканаў жанчыну, што яна стала ахвярай аферыстаў.
Пасля гэтага «прадстаўнік» Нацбанка параіў перавесці ўсе ашчаджэнні на «бяспечны рахунак». Жанчына перавяла 8,5 тысяч рублёў і паведаміла пра тое, што дома ў яе захоўваюцца залатыя зліткі Нацбанка вагой 700 г, кошт якіх перавышаў 217 тысяч рублёў. Махляры пераканалі яе, што трэба праверыць сапраўднасць зліткаў, і даслалі кур’ераў, каб іх забраць.
Суд прызнаў фігурантаў вінаватымі па ч. 4 арт. 209 Крымінальнага кодэкса Беларусі. Кожнаму прысудзілі па 7 гадоў пазбаўлення волі ў калоніі ўзмоцненага рэжыму і штраф 8,4 тысячы рублёў. Падсудныя не прызналі віны і не кампенсавалі шкоду, але апеляцыйны суд пакінуў прысуд без змены.
Кур'ер махляроў падмануў і ахвяру, і сваіх наймальнікаў
У Гомелі махляры вымагаюць грошы, выкарыстоўваючы ўліковыя запісы ICloud
Беларусбанк расказаў, які тэлефонны нумар заўсёды махлярскі
Мінчук скінуў махлярам з акна больш за 18 тысяч даляраў
У Жлобіне мужчыну замест купленага камп'ютара прыслалі па пошце пусты корпус
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі19
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары