Пуцін на пасяджэнні ШАС зноў заявіў, што Захад справакаваў напад Расіі на Украіну
Кіраўнік Расіі Уладзімір Пуцін на пасяджэнні Рады кіраўнікоў дзяржаў-удзельніц Шанхайскай арганізацыі супрацоўніцтва зноў паўтарыў свой тэзіс пра тое, што напад Расіі на Украіну нібыта быў справакаваны Захадам, паведамляе «Украінская праўда».
«Крызіс ва Украіне (так Пуцін называе вайну РФ супраць Украіны. — заўв.) узнік не ў выніку нападу Расіі, а ў выніку дзяржаўнага перавароту ва Украіне, які быў падтрыманы і справакаваны Захадам. А затым — спробамі з дапамогай узброеных сіл падавіць супраціў тых рэгіёнаў Украіны і тых людзей, якія гэты пераварот не прынялі, не падтрымалі. І другая прычына крызісу заключаецца ў пастаянных спробах Захаду ўцягнуць Украіну ў НАТА, што, як мы шматкроць падкрэслівалі і гаварылі, прычым на працягу многіх гадоў, уяўляла прамую пагрозу бяспецы Расіі», — сказаў прэзідэнт Расіі.
Пуцін дадаў, што ён «высока цэніць намаганні і прапановы Кітая, Індыі і іншых стратэгічных партнёраў, прызначаных садзейнічаць урэгуляванню».
«Заўважу, што паразуменні, дасягнутыя на нядаўняй расійска-амерыканскай сустрэчы на Алясцы, спадзяюся, таксама ідуць у гэтым напрамку, адкрываючы шлях да міру ва Украіне», — заявіў кіраўнік Крамля.
Пры гэтым Пуцін традыцыйна дадаў, што для спынення расійскай агрэсіі супраць Украіны «павінны быць ліквідаваны першапрычыны крызісу ва Украіне і адноўлены баланс у сферы бяспекі».
-
Трамп анансаваў тэлефонную размову з Пуціным
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны18
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары
И это мы никогда не забудем.
А,да—про славянское братство забудьте навсегда.