Цяпер пры рэгістрацыі на самалёт «Белавія» у эканом-класе за выбар больш зручнага месца трэба плаціць, заўважыў 34travel.
Раней гэта функцыя прапаноўвалася бясплатна.
Цяпер пры рэгістрацыі на рэйс бясплатнае месца ў эканом-класе можна атрымаць толькі каля туалета.
На афіцыйным сайце Belavia удакладняецца, што паслуга папярэдняга выбару месца цяпер платная. Яна даступная на ўсіх рэгулярных рэйсах, акрамя вылетаў з Дубая, Дэлі, Туркменбашы, Урумчы і Шарджы, а таксама на чартэрных рэйсах з Мінска і некаторых іншых гарадоў. Кошт залежыць ад катэгорыі, тарыфу білета і іншых умоў.
Адзіны спосаб бясплатна атрымаць больш зручнае месца — прыехаць у аэрапорт загадзя і зарэгістравацца на рэйс каля стойкі.
Новыя правілы распаўсюджваюцца толькі на тарыфы эканом-класа — пасажыры бізнес-класа могуць бясплатна выбраць сабе месца ў салоне.
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары