Латвія збіраецца цалкам абсекчы аўтобуснае злучэнне з Беларуссю
Але пачакаюць, пакуль у перавозчыкаў скончацца выдадзеныя ліцэнзіі — у першай палове 2026 года.
Міністэрства камунікацыі Латвіі даручыла аўтатранспартнай дырэкцыі падрыхтаваць прававое абгрунтаванне намеру не падаўжаць ліцэнзіі на рэгулярныя аўтобусныя перавозкі пасажыраў з Латвіі ў Расію і Беларусь, піша Delfi.lv.
Міністр камунікацыі Латвіі Аціс Швінка патлумачыў рашэнне неабходнасцю ўлічваць рызыкі на межах ЕС, звязаныя з ростам пасажырапатоку ў Расію і Беларусь.
Паводле звестак аўтатранспартнай дырэкцыі, цяпер з Латвіі выконваюцца чатыры аўтобусныя маршруты ў Расію і тры — у Беларусь.
Рэгулярныя перавозкі ў Беларусь выконвае кампанія SIA Latlines. Ліцэнзія на рэйсы ў Віцебск дзейнічае да 31 студзеня 2026 года, у Мінск — да 26 лютага 2026 года, у Гомель — да 27 чэрвеня 2026 года.
У аўтатранспартнай дырэкцыі растлумачылі, што для спынення рэгулярных аўтобусных перавозак у Расію і Беларусь неабходны знешні нарматыўны акт. Пры гэтым, калі краіны Балтыі не ўзгодняць сумеснае рашэнне, пасажыры для паездак з Латвіі ў Беларусь будуць карыстацца маршрутамі праз Літву, а таксама «нелегальным сегментам» — мікрааўтобусамі да дзевяці месцаў.
З 15 кастрычніка 2025 года да 14 кастрычніка 2026 года Латвія ўвяла забарону перавозчыкам рабіць міжнародныя нерэгулярныя перавозкі арганізаваных груп пасажыраў аўтобусамі пры перасячэнні мяжы Латвіі і Беларусі — туды і назад. Абмежаванне распаўсюджваецца на ўсіх перавозчыкаў, якія ажыццяўляюць міжнародныя нерэгулярныя перавозкі пасажыраў аўтобусамі, незалежна ад краіны рэгістрацыі перавозчыка і транспартнага сродку.
Цяпер чытаюць
«Шкада, што людзі мяне лічаць такім ідыётам». Дзядок расказаў, як яго змаглі высачыць пасля пяці месяцаў падполля4
Каментары