Жаданне адміністрацыі Трампа адправіць ва Украіну дальнабойныя ракеты «Тамагаўк» можа быць невыканальным, бо цяперашнія запасы прызначаны для Ваенна-марскога флоту ЗША і іншых патрэб, паведаміў Reuters амерыканскі чыноўнік і тры крыніцы.
Віцэ-прэзідэнт ЗША Джэй Дзі Вэнс у нядзелю заявіў, што Вашынгтон разглядае запыт Украіны на атрыманне дальнабойных «Тамагаўкаў», якія могуць ствараць разбурэнні глыбока на тэрыторыі Расіі, уключаючы Маскву. У сераду агенцтва Reuters паведаміла, што ЗША прадаставяць Украіне разведвальную інфармацыю аб мэтах доўгай дасяжнасці ў расійскай энергетыцы.
Аднак амерыканскі чыноўнік і крыніцы, знаёмыя з падрыхтоўкай і пастаўкамі ракет Tomahawk, паставілі пад сумнеў магчымасць перадачы гэтых крылатых ракет, радыус дзеяння якіх складае 2 500 кіламетраў.
Чыноўнік ЗША падкрэсліў, што дэфіцыту гэтага «рабочага каня» — зброі, якая часта выкарыстоўваецца войскам для ўдараў па наземных мэтах, — няма, але выказаў меркаванне, што Украіне могуць быць перададзены іншыя варыянты са зменшанай дальнасцю дзеяння.
Чыноўнік таксама сказаў, што ЗША могуць разгледзець магчымасць дазволіць еўрапейскім саюзнікам набыць іншыя далёкадзейныя віды ўзбраення і перадаць іх Украіне, але пастаўкі Tomahawk застаюцца малаверагоднымі
Цяпер чытаюць
Расійскія прапагандысты выдумалі ўдар дрона па турыстычным аўтобусе. Але ў гісторыі ёсць загадкавыя фуры6
Каментары
Есть намного в больших количествах, средств поражения, более эффективных и дешёвых, которые проще применять, имея готовые, несущие платформы в виде F-16 и тех же хаймарсов с подготовленным персоналом. Да, дальность ударов будет ограничена 1000 км, но эффективность намного выше и главное - ДЕШЕВЛЕ и намного быстрее, с колёс и в бой !