Навошта жанчыны колюць у твар сперму ласося? Беларуска падзялілася ўласным досведам
Беларуска ў Паўднёвай Карэі схадзіла на б'юці-працэдуру і падзялілася ўражаннямі ад ін’екцый прыгажосці.
Мода на «экстракт ДНК ласосю» з'явілася не ўпершыню. Яшчэ ў 1970-1980‑х навукоўцы ў Карэі і Японіі пачалі даследаваць малокі ласося як крыніцу нуклеатыдаў і біяактыўных рэчываў. Першыя навуковыя публікацыі тычыліся загойванню тканак і стымуляцыі рэгенерацыі.
У 2000‑х у Паўднёвай Карэі гэты экстракт актыўна выкарыстоўвалі ў эстэтычнай медыцыне. У 2010‑х яго пачалі дадаваць у люксавыя крэмы, маскі, сыроваткі.
І вось у 2025 годзе мода на «ласасёвы догляд» выбухнула па ўсім свеце. Маркетолагі дзеля хайпу часта называюць працэдуру ўколамі спермы ласося — гаворка ідзе пра экстракт, які атрымоўваюць з семявай вадкасці самцоў ласося.
Працэдуру PDRN пазіцыянуюць як новы ботакс, але насамрэч працуюць яны зусім па-рознаму. Ботакс не лечыць скуру, а працуе на «замарозку» (эфект можна пабачыць даволі хутка), а PDRN павінен паляпшаць якасць скуры (яго эфект назапашвальны і бачны праз час).
Пра ўколы PDRN пачалі казаць і зоркі — напрыклад, Кім Кардаш’ян у сваім шоу распавядала пра тое, што калола ў твар сперму ласося.
На такую б’юці-працэдуру схадзіла і беларуска, якая жыве ў Паўднёвай Карэі — Дана Кім актыўна вядзе тыкток. Нядаўна яна распавяла, як хадзіла на ўколы спермы ласося.
— У Карэі гэтая працэдура вельмі папулярная. Карэянкі робяць яе, каб скура блішчала як экран тэлефона на максімальнай яркасці.
Дана вырашыла, што і ёй патрэбна ДНК рыбы, і звярнулася ў клініку. Спачатку маладой жанчыне на твар нанеслі абязбольвальны крэм, а праз 20 хвілін сталі рабіць мноства маленькіх уколаў па ўсім твары. Дана жартавала, што ў нейкі момант падумала, што ў выніку ператворыцца ў русалку — ці чырвоную рыбу.
— Адразу пасля працэдуры я сапраўды выглядала як ласось. Але ўжо праз тыдзень мая скура стала ўвільготненая, як быццам я нанесла мільён карэйскіх крэмаў.
У Мінску, дарэчы, таксама можна зрабіць уколы прыгажосці прэпаратамі, у склад якіх уваходзіць ДНК ласося. Каштаваць гэта будзе прыблізна 470 рублёў.
Чаму ўсё больш жанчын цяпер носяць доўгія валасы?
Беларуска адмовілася ад б’юці-працэдур і вырашыла год не набываць адзенне і абутак. Яна расказала навошта
Сяброўка Веры Паляковай-Макей спрабуе прадаць элітны салон прыгажосці больш чым за мільён даляраў
«Быццам гарачыя прасы паставілі на вочы». Беларуская вядучая шчыра расказала, на што пайшла дзеля прыгажосці
Памёр паэт Уладзімір Карызна, аўтар слоў да цяперашняга дзяржаўнага гімна Беларусі8
Каментары
І пры чым тут ласось?