Адзін з падазраваных па справе аб рабаванні Луўра затрыманы ў парыжскім аэрапорце ў суботу вечарам 25 кастрычніка.
Аўтавышка, якой карысталіся злодзеі. Фота: AP Photo / Alexander Turnbull
Праз тыдзень пасля ашаламляльнага рабавання Луўра ў парыжскім аэрапорце быў арыштаваны як мінімум адзін падазраваны ў злачынстве, паведаміла France Inter крыніца, блізкая да следства.
Выданне Le Parisien паведамляе пра двух затрыманых.
У сувязі з рабаваннем паліцыя шукае чатырох падазраваных: двух злачынцаў, якія ўзлезлі ў галерэю «Апалон» з дапамогай аўтавышкі, і яшчэ двух, якія ўдзельнічалі ў рабаванні і дазволілі падазраваным уцячы на скутарах.
19 кастрычніка ранкам у парыжскім Луўры адбылося дзёрзкае абрабаванне. Неацэнныя каштоўнасці былі скрадзеныя за 7 хвілін.
Каментары