Што было ў апошніх галасавых паведамленнях Веры Краўцовай, якая знікла ў М'янме
«З гатэля мяне забралі з раніцы. І мы паехалі, недзе 12 гадзін».
Беларуска Вера Краўцова знікла 4 кастрычніка. Яна ехала на працу ў Тайланд, а ў выніку апынулася ў рабстве ў скам-цэнтры ў М'янме.
Калі Вера трапіла ў скам-цэнтр, яна адправіла галасавыя паведамленні сяброўцы. Іх змест агучылі ў эфіры СТБ.
У першым паведамленні дзяўчына кажа, што апынулася ў Бангкоку (сталіца Тайланда).
«Павінна была адтуль ехаць адразу ў іншы горад. У выніку захрасла ў Бангкоку на 8 дзён. Пасля гэтага мяне павезлі ў іншую краіну, кшталту М'янма. На машыне я два дні дабіралася да сваёй працы. Ну, карацей, учора першы працоўны дзень быў. Пакуль што ўліваюся ў працу, уліваюся ў гэта ўсё, спрабую быць прадуктыўнай».
У другім паведамленні Вера расказвае пра тое, як прыляцела ў горад Янгон.
«Я там засталася ў гатэлі, таму што гэтыя ўжо не паспявалі забраць мяне на машыне. І потым, атрымліваецца, з гатэля павезлі ў іншы горад. Потым мы перасеклі возера. Не возера, гэта рака. Я там каля ракі засталася ў гатэлі. А потым з гэтага гатэля мяне забралі з раніцы. І мы паехалі, б**, недзе 12 гадзін. Дарога — гэта проста п***, цябе ўвесь час трасе».
Пасля гэтага дзяўчына на сувязь не выходзіла. Падобна, на той момант яна яшчэ не разумела, куды трапіла.
Крыніца расійскага тэлеканала «Рен ТВ» паведамляла, што Веру знайшлі мёртвай. Паводле папярэдніх звестак, смерць насіла крымінальны характар. Расіянка з Чыты, якая вырвалася са скам-цэнтра, расказвала, што дзяўчыну нібыта прадалі на органы. Афіцыйнага пацвярджэння гэтай інфармацыі не было.
Беларускае пасольства ў В'етнаме арганізавала пошукавыя мерапрыемствы пры садзейнічанні сілавых і дыпламатычных структур краін В'етнама і Тайланда. Да аперацыі таксама былі падключаныя апараты ганаровых консульстваў рэспублікі ў Янгоне і Бангкоку.
Дзве трагедыі ў адной сям'і. Родная бабуля і суседзі пра зніклую ў М'янме Веру Краўцову і няшчасце, што здарылася чатыры гады таму
Зніклую ў М'янме Веру Краўцову знайшлі мёртвай
Скам-фабрыкі ў М'янме — што гэта і як працуюць. На адну з такіх, верагодна, вывезлі і беларуску Веру
Што вядома пра 26‑гадовую беларуску Веру, якую прадалі на органы ў М'янму
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары