Фермер у Бялыніцкім раёне замест газвады выпіў ядахімікат — неасцярожнасць каштавала жыцця
У Магілёве ў бальніцы памёр 53‑гадовы пацыент з вострым атручэннем — мужчына памылкова выпіў яд. Судовыя эксперты вызначылі, чым менавіта атруціўся мужчына.
Высветлілася, што гэта адзіны выпадак такога смяротнага атручэння ў Магілёўскай вобласці за апошнія 25 гадоў.
Загінулы быў фермерам. Ён узяў для апрацоўкі раслін ядахімікат цёмна-карычневага колеру, частку адліў у пластыкавую бутэльку з-пад газаванага напою. Праз кароткі час па памылцы пачаў піць з гэтай бутэлькі — зрабіў усяго адзін глыток…
Самастойнае прамыванне страўніка і прыём лекаў не дапамагалі: з скаргамі на ваніты, млоснасць, болі па ўсім жываце мужчыну шпіталізавалі. На наступны дзень стан пацыента рэзка пагоршаў, мужчына памёр.
Эксперты-хімікі даследавалі вадкасць, якую ўжыў мужчына, — у ёй выяўлена хімічнае злучэнне дыкват. У крыві і печані памерлага таксама ўтрымлівалася гэта рэчыва, якое з’яўляецца пестыцыдам, што выкарыстоўваецца для знішчэння пустазелля. Паводле высноў эксперта, смерць мужчыны наступіла ад вострага атручэння пестыцыдамі, ускладненага вострай ныркавай недастатковасцю і ДВС-сіндромам.
Прэпараты на аснове дыквату выкарыстоўваюцца як гербіцыды (для знішчэння пустазелля). Адносяцца да 2‑га і 3‑га класаў небяспекі для чалавека ( 2‑гі клас — высока небяспечныя, 3‑ці клас — умерана небяспечныя). Смяротная доза для чалавека падчас прыёму ўнутр складае прыкладна 100 мл.
Цяпер чытаюць
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў15
Каментары