МЗС Беларусі сказаў Польшчы і Літве, што пытанне адкрыцця мяжы не можа вырашацца імі аднаасобна.
«Не прэм’еру Польшчы і тым больш Літвы вырашаць, калі адновяць сваю працу пункты пропуску праз дзяржаўную мяжу «Баброўнікі» і «Кузніца». Тым не менш мы прымаем да ведама іх заявы і лічым неабходным выразна акрэсліць нашу прынцыповую пазіцыю. Мяжа — гэта складаная інжынерна-тэхнічная і арганізацыйная сістэма. Любыя змены ў рэжыме яе працы патрабуюць паўнавартаснай двухбаковай падрыхтоўкі. Беларусь пагодзіцца з адкрыццём са свайго боку мяжы тады і толькі тады, калі будзе поўнасцю гатовая да гэтага інфраструктурна, кадрава і, што найбольш важна, у сферы бяспекі», — заявіў прадстаўнік МЗС Беларусі Руслан Варанкоў.
Ён звярнуў увагу на адсутнасць паслядоўнасці ў дзеяннях заходніх суседзяў Беларусі: абвешчаныя тэрміны пастаянна пераносяцца, а само прынцыповае рашэнне — пераглядаецца.
«У цэлым аднаўленне функцыянавання пунктаў пропуску не можа і не будзе рэгулявацца аднабаковымі рашэннямі. Такога ж падыходу мы будзем прытрымлівацца і ва ўзаемадзеянні з літоўскім бокам, які напярэдадні ўвёў абмежаванні на беларуска-літоўскай мяжы, — сказаў Руслан Варанкоў. — Аднаўленне працы таксама немагчыма без наладжвання прафесійнага дыялогу паміж кампетэнтнымі службамі. Мы чакаем ад польскага боку адказнага падыходу: дасягнутыя дамоўленасці павінны быць стабільнымі і надзейнымі».
«Грамадзяне і бізнэс не могуць станавіцца закладнікамі сітуацый, калі рашэнні аб закрыцці мяжы прымаюцца па-за прававымі межамі і без папярэдняга паведамлення. Гаворка ідзе не толькі пра беларусаў, палякаў ці літоўцаў, але таксама і пра грамадзян іншых дзяржаў — членаў Еўрапейскага саюза, для якога беларуска-польская і беларуска-літоўская межы з’яўляюцца ўсходняй мяжой», — дадаў прэс-сакратар.
«Тут як ніколі дарэчы выказванне міністра замежных спраў Польшчы спадара Радослава Сікорскага: для танга патрэбныя двое. Беларускі бок сваю партыю ўжо даўно і выразна выконвае. Цяпер чакаем, калі ж суседзі, нарэшце, вывучаць сваю», — рэзюмаваў ён.
Нагадаем, што пункты пропуску ў «Кузніцы» і «Баброўніках» могуць быць адкрытыя праз два тыдні, а Літва закрыла мяжу з Беларуссю да 30 лістапада.
Лукашэнка заявіў, што літоўцы самі з тэрыторыі Беларусі перакідвалі цыгарэты на метэаралагічных зондах
Лукашэнка заявіў, што хутка смярдзючая Еўропа будзе плаціць Беларусі за чыстае паветра
Юрконіс пра закрыццё межаў: Давайце не думаць яшчэ пра Пецю з Баранавіч, які хоча зарабіць дзесьці там у Беластоку
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары