Памерла Тарэса Собаль, былая дырэктарка Польскага дома ў Івянцы Валожынскага раёна, кіраўніца мясцовай філіі Саюза палякаў Беларусі. Пра яе смерць паведамілі ў сацсетках. Ёй было 77 гадоў.
Імя Тарэсы Собаль стала вядомым у канцы нулявых гадоў, калі ўлады сталі яе пераследаваць у рамках агульнага змагання супраць апазіцыйнага ім Саюза палякаў Беларусі.
У канцы 2009 года супраць Тарэсы Собаль завялі крымінальную справу. Старшыню івянецкага аддзела СПБ абвінавачвалі ў незаконным прысваенні сродкаў арганізацыі ў 2004 годзе. Пасля таго справа неаднаразова закрывалася праз адсутнасць складу злачынства, а пасля аднаўлялася наноў. Канчаткова ад жанчыны адчапіліся ў верасні 2010 года.
Па выніках 2010 года «Наша Ніва» прызнала Тарэсу Собаль «Вернасцю года».
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве3
Каментары