На новым мосце ў Мазыры, які адкрываў Лукашэнка, падсвятленне пратрымалася толькі некалькі дзён
Новы аўтамабільны мост праз Прыпяць у Мазыры, які нядаўна ўрачыста адкрывалі з удзелам Аляксандра Лукашэнкі і які шмат хвалілі дзяржаўныя СМІ, хутка страціў сваю «візітоўку» — яркае падсвятленне, піша «Флагшток».
Як паведамляюць мясцовыя жыхары, ужо праз некалькі дзён пасля адкрыцця аб'екта падсвятленне аркі моста і асвятленне лесвіц былі адключаныя, не працуюць і ліфты. Засталося толькі стандартнае асвятленне ўздоўж праезнай часткі.
У сацсетках людзі абураюцца: кажуць, што «паказуха скончылася» і мост цяпер выглядае звычайна, хоць раней падсвечаная канструкцыя прыцягвала шмат увагі.
З вялікай колькасцю людзей на мосце, дарэчы, узнікалі і праблемы — мясцовыя жыхары адзначалі, што падчас масавых фотасесій і шпацыраў падлеткаў на ім хутка з’явілася шмат смецця, а на асветленай арцы — сляды ад абутку тых, хто спрабаваў на яе залезці.
Пасля гэтага міліцыя выступіла з папярэджаннем: заклікала «беражліва ставіцца да аб’екта», нагадала пра адказнасць за псаванне маёмасці, параіла бацькам весці размовы з дзецьмі пра недапушчальнасць вандалізму і паведамляць пра «падазроныя групы» на мосце. Асобна падкрэслілі, што нельга станавіцца на парэнчы і дэкаратыўныя элементы.
На гэтым фоне мясцовыя жыхары мяркуюць, што падсвятленне і ліфты маглі свядома выключыць, каб людзі не збіраліся на мосце вечарамі. Пры гэтым яны нагадваюць, што непадалёк ёсць гарадскі парк, які ў цёмны час сутак практычна не асвятляецца.
Цяпер чытаюць
«Я супрацоўніца КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку11
Каментары
Pa-mojmu hienijalna, nichto b nie daŭmieŭsia, tlumačycca prosta, suvora, navočna !